【果欄中的江湖大嫂】馮盈盈江嘉敏王卓淇Kpop女團　少女味出晒嚟

無綫劇集《果欄中的江湖大嫂》昨晚經已播出了大結局，有份演呢套劇的馮盈盈 (Crystal)、江嘉敏 (Kaman) 以及王卓淇 (Erin) 因為拍劇而friend了，她們為了答謝觀眾同網民一直以來對呢套劇的支持，仲再度合體，以果欄中的Kpop女團現身，化身做小狼女、黃友美同Coco一齊跳舞給大家睇。雖然不是現場演出，不過她們都好有誠意㗎，特地練舞並拍埋片放上ig，見她們仲襯晒衫襯晒色。

她們三個都分別有將該條片post到自己的ig，Crystal留言表示：「果欄中的KPop女團、壓軸娛賓表演 @kaman_kong @erin__kay #果欄中的江湖大嫂 #小狼女 #黃友美 #Coco #bboombboom #momoland #勁歌熱舞賀結局 #江卓盈。」Kaman就留言表示：「《果欄中的江湖大嫂》大結局喇！如果大家有乖乖留意到呢，係會發現有呢個組合係入面勁舞㗎！@erin__kay @crystalfyy #睇我啲片要開喇叭 #江卓盈 #其實有冇人發覺我哋係襯咗衫㗎！」Erin的留言亦都跟Crystal同Kaman差不多。