【創造101】網絡女神林珈安靚爆鏡來頭勁 仲同彭于晏曖昧過?

撰文:
最後更新日期:

內地大型偶像真人騷《創造101》將於下星期開播,101個練習生正蓄勢待發咁等正式同觀眾見面,而節目最後亦會選出11個成員組成一隊全新女團。其實一眾練習生裡面都有唔少比較熟嘅名,包括Popu Lady嘅寶兒(吳昀廷)、參加過《超級星光大道》嘅陳芳語(Kimberley),同埋我哋香港代表許請韻。不過,最最最Sharp嘅就唔係以上嗰幾位,而係現年27歲、來自台灣嘅林珈安(Lyla)。

《創造101》裡面101個練習生中,最Sharp可能係林珈安(Lyla)。(網上圖片)

雖然Lyla嘅facebook follower唔係好多,得嗰30幾萬咁,但係就真係好受歡迎,次次Share眼大大靚相都引嚟勁多人Like同留言。當古巨基、戴佩妮等知道佢有份參加《創造101》時更幫手拍片呼籲網友向Lyla「打Call」。而其實林珈安真係來頭唔細,曾經加入組合Roomie嘅佢單飛後就試過為自己作詞作曲,亦試過先後做李玟、陳志明同庾澄慶等歌手嘅MV女主角。除咗拍戲拍劇,佢都係設計師,有一個自家製嘅飾品品牌。不過,最把炮嘅都係因為三年前佢被台灣傳媒影到入彭于晏屋企,因而傳佢同男方拍拖,當時啲傳媒仲讚佢係「顏值高360度無死角」,好彩緋聞都係傳咗半年咁多,令一眾「彭太」好安心。

戴佩妮、古巨基都有為林珈安拍片,呼籲粉絲向她「打Call」。

林珈安曾經同彭于晏傳過半年緋聞,仲試過上男方嘅豪宅,羨慕死一眾「彭太」。(網上圖片)

其他林珈安嘅靚相:

+28
+27
+26


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。