宋仲基離港勁捽鼻　《太陽》SP收視險勝《叢林》

周五（4月22日）來港出席時裝品牌活動的宋仲基，留港不足24小時後，今天下午12時50分左右，在工作人員護衛下，現身香港機場準備返回韓國。一身Causal Wear的他，依然非常靚仔兼有型，雖然笑容不多，但都有同粉絲揮手，期間仲不停捽鼻，唔通香港空氣差搞到咁？

另外，昨晚在韓國播出的《太陽的後裔》特輯，除有不少幕後花絮及各演員訪問之外，最正當要係劉大尉的騷肌埸面。收視方面，雖然得12.2%，但都屬同時段的第一位，而SBS的綜藝節目《叢林的法則》亦因而受到影響，收11.9%，比上星期的12.8%下跌了0.9%。