陳瀅塞車遲到成個鐘爆喊：對唔住大家等我咁耐

靚女遲到有冇特權呢？對傳媒來說是沒有，陳瀅今日出席品牌活動，活動時間12:15，但陳瀅13:00才現身，足足遲了45分鐘，在場傳媒當然著晒火，大家都等訪問時間，準備質問陳瀅點解遲到，
但就係呢個moment，陳瀅當著所有傳媒面前爆喊......

陳瀅一邊喊一邊講，自己今日遲到的黑仔經歷，她說：「今日超級超級黑仔，經過好多難關先到現場，因為揸車嘅時候前面又撞車所以導致塞車，然後因為趕時間就是但放低自己部車，然後跑跑跑，跑過嚟嘅時候太大動作條裙爆開咗，已經立即叫經理人買過一條，真係唔好意思要大家等我咁耐。」

陳瀅一直對自己工作要求好嚴格，唔可以遲到已經係第一條守則，今日發生呢一件事表示：「我唔鍾意遲到，唔希望別人等我，自己盡量唔遲到，今日要咁多人等我，我已經好唔舒服好唔舒服，好內疚。」陳瀅喊得咁犀利，傳媒都被佢融化，仲邊好意鬧佢呢？為咗唔遲到仲要棄車，剩係呢點都夠誠意啦。

同場亦有陳瀅好姐妹劉佩玥Moon，阿Moon亦不斷為陳瀅解畫，她說：「大家都唔鍾意遲到，都好開心記者們體諒，都係去了解呢一件事，冇鬧我哋，咁今次都係一個課堂嚟，話比我地聽，做人要有兩手準備。」

【全職沒女】陳瀅真空挑戰電視尺度　同張振朗床戲：對腳磨嚟磨去
陳瀅上《瘋狂夏水禮2017》不騷身材：我一向保守