【蝸居宅急變】包膠表姨純屬虛構？ 網友黑人問號了
撰文：鄺鈺瑩
出版：更新：
全集都係得Kay一個現真身，而口中的表姨都只係得她的字跡，點解嘅？（影片截圖）
首集不經常提到「斷捨離」的《蝸居宅急變》，第二集改玩「減廢」，今次的兩名主人翁Helen同Kay，分別擁有400呎蝸居，Helen因為戀物狂，呢樣又話有紀念價值，嗰樣又話有用，相信佢就算住貨倉都會話唔夠用；Kay同表姨一齊住私人樓，但唔知表姨到底係有潔癖定係強逼症，將全屋物品如燈、電飯煲、電視機甚至係未開封即食麵都通通入膠袋，真係連塵都唔多粒。
Kay同表姨入住呢間屋唔夠半年，其實都幾新淨，係雜物同膠袋多咗少少啫。（影片截圖）
對於表姨呢個行為，網友雖然認為好笑，但亦指其實唔少老人家都會咁做，更指表姨入袋入得唔夠密實，亦有網友指Kay應該係去幫表姨搵心理醫生而非《蝸居宅急變》，咁身為家居創意達人嘅Queenie（陳莉敏）同裝修兼驗樓導師Ann姐可以做啲乜呢？丟走全屋膠袋再買番個組合櫃，呢個你同我都識做的動作，快捷又簡單，承惠一萬元左右！不過全集提常提到嘅嗰位表姨，由始至終都係無出現過！只係寫下了一張紙條感謝節目組……是唔是好神奇？
美容達人Queenie原來做咗家居創意達人?!
Kay同表姨入住呢間屋唔夠半年，其實都幾新淨，係雜物同膠袋多咗少少啫。（影片截圖）
呢個shot應該唔會係值入式廣告掛?!（影片截圖）
一個月後節目組再去探訪Kay，表姨都係無出現，但膠仍在，呢個真係好好笑。（影片截圖）