【鳳弈】黎耀祥首拍內地劇降格做男二 視帝級演技搶男主角風頭

撰文:
最後更新日期:

俗語都有話「有心唔怕遲」,內地觀眾終於等到他來拍戲喇,他就是視帝黎耀祥。眼看現時有唔少TVB藝人北上發展,全部都做得有聲有色,53歲的祥仔都終於踏出人生第一步,近來接拍內地古裝劇《鳳弈》搞到唔少內地電視友超開心,深信他的加入,相信劇集唔會差得去邊,未播已經給予極力支持,睇嚟視3屆視帝的魅力真係沒法檔。

黎耀祥出道咁多年,第一次拍內地劇。(網上圖片)

雖然貴為3屆視帝,在香港要風得風要雨得雨,套套劇都擔正做男主角,不過踏出香港就真是另一個世界,學馬國明話「返到內地就甚麼都不是」,今次祥仔就真係甚麼都不是,降格冇男主角做不過都好有個男二,戲份都算重相信他應該駕輕就熟。

祥仔選擇在這個時間點返內地拍《鳳弈》,相信唔少人覺得他是否不再續約TVB,將重心放在內地?其實大家就可以放心,祥仔仍然會照顧香港觀眾,不過同TVB合作模式就唔同咗,他自己講道:「我都係簽TVB,不過合作模式變咗,我一直都唔係簽經理人合約,而家就係簽部頭喇。」起碼冇放棄香港市場。

祥仔雖然唔係男主角,不過是男二。(網上圖片)

最有意思的是《鳳弈》的編劇竟然是TVB舊人,有「金牌編劇」之稱的張華標,當年其作品《巾幗梟雄》﹑《巾幗梟雄之義海豪情》一手捧紅祥仔,相信今次找祥仔拍劇,再次合作一定擦出好多火花。

《鳳弈》是祥仔第一部內地古裝劇,主要講述東梁年間葉凝芝(何泓姍飾),與第一謀士魏廣(徐正溪飾)的傳奇故事,其中祥仔就是飾演保護皇后的中侍郎郎坤,聰明睿智將同謀士魏廣連場鬧智,只係故事題材就已經好吸引。

內地電視友一致睇好祥仔的演技。(網上圖片)

過去唔少港台藝人來內地拍戲,其餘都只是睇錢份上,錢就收了但好多都是交唔到戲,不過祥仔就唔同,拿男二的錢絕對比起TVB好幾倍,畢竟是3屆視帝相信他應該對得起這個錢,唔會令大家失望。事實上,做配角分分鐘就一炮而紅,就好似蔡少芬咁當年一部《後宮甄嬛傳》女二角色,令她紅遍大江南北,在內地素撈得風生水起。現時劇集仲未播,祥仔就得到唔少內地電視友Support,而且微博粉絲都超過80萬人追蹤,睇嚟人氣相當驚人。

祥仔雖然拍內地劇,不過都沒有放棄香港市場。(網上圖片)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。