小S網晒新節目神秘男拍檔 網民驚呼「康熙再合體！」
撰文：冼燕珊
出版：更新：
台灣女星小S徐熙娣與拍檔蔡康永一起主持《康熙來了》12年，自2016年節目畫下句號，大家都好唔捨得，希望小S同蔡康永再次合體。小S之後獨自擔大旗主持內地節目《姐姐好餓》，近日傳出小S又有新節目了。
小S於微博曬出與新節目男拍檔嘅合照，但就非常神秘咁只係露對方嘅膊頭。（微博截圖）
小S今日(4月18日)於微博上載一張與神秘男嘅合照，相中穿著火紅露肩晚裝嘅小S搭住神秘男嘅膊頭，寫道：「新節目，男搭檔。」引發粉絲們無限遐想，紛紛估：「唔通就係蔡康永！？」而蔡康永都有回應個Po：「嗯，那......要好好跟對方相處哦。」呢個回應可圈可點，但有眼利網民就話唔似係蔡康永，因為佢無咁高。
蔡康永嘅回應可圈可點。（微博截圖）
另外又有人憑一張合照，猜想可能係內地網紅董子初，因為佢咁啱有一張同小S嘅合照，相中嘅小S就係著住同一件紅色露肩晚裝，而董子初所著嘅黑色外套同相中神秘男又有啲似。不過暫時都未有確實消息流出，究竟神秘男係邊個，大家拭目以待。
內地網紅董子初晒出同小S嘅合照，令人懷疑佢就係該名「神秘男拍檔」。（微博截圖）
很多觀眾都希望小S同蔡康永再合體。(視覺中國)