陳瀅揸車最怕遇急燥司機:打晒燈舉晒手都唔肯讓我

撰文:
最後更新日期:

陳瀅遇過唔少冇禮貌的人。(梁碧玲攝)

無綫多個製作揚威「2018紐約國際電視電影節》勇奪七個獎項,其中陳瀅 (Jeannie) 有份主演的《全職沒女特約:酒店西人集》網絡宣傳片就獲得「數碼喜劇節目組別優異獎」,Jeannie出席祝捷酒店時被問到在日常生活,可有遇過一些「西人」(意指行為令人反感的人),她想了想說:「通常都係遇到人打尖,同埋揸車唔肯讓嘅司機。香港人揸車比較急躁,我明明打晒燈舉晒手,都唔肯讓畀我,我唔明呢啲人嘅諗法,其實讓一讓唔會阻佢好耐,係咪真係咁趕時間?不過我8成遇到嘅都肯讓,得2成唔肯讓啫。」

至於畀人打尖,Jeannie就話在香港比較少,反而在外地常會遇到:「啲人明明打我尖仲要同我理論,好野蠻,我畀人打尖一定會出聲,絕對唔會啞人。」她自言自己亦不會做「西人」:「我自細畀婆婆教得好好,自問好有家教,對人好有禮貌。我會主動對人笑,同人打招呼,不過好多香港人反而會覺得我咁樣做好奇怪,我都試過畀人叫我唔使講咁多唔該多謝。」

Jeannie話佢畀人打尖一定會出聲。(梁碧玲攝)

Jeannie自言好家教。(梁碧玲攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。