【媽媽是超人】廣電總局下令整治炫富 黃聖依名牌袋離奇被打格仔

撰文:李妍樺
出版:更新:

大陸親子真人騷《媽媽是超人3》雖然就《爸爸去哪兒》收視咁厲害,但憑住賈靜雯帶住佢2個超可愛嘅囡囡咘咘同Bo妞,節目啱啱出街嘅時候都算係有啲noise,不過最後跑出嘅唔係一早已經吸晒粉嘅小童星嗯哼,而係十年前嫁咗入豪嘅黃聖依,相信大家對佢嘅印象仲係停留喺周星馳套電影《功夫》度,之後好似冇咗影咁,如果唔係上呢個節目,大家都唔知佢生咗個囝。

【媽媽是超人3】黃聖依婆家間屋大到嚇死人 飯檯坐得落三十幾人

【媽媽是超人】黃聖依家族唔止有錢 媽媽做記者全家擁驚人高學歷

屋企有扶手電梯你見過未?(網上截圖)
+6

第一集大家見到黃聖依奶奶徐水間屋,個個都嘩嘩聲,又有滑雪場,又有室內遊樂場,屋企張飯檯仲坐得落三十幾人,真係這些機會……貧窮限制咗大家嘅幻想,喺香港地覺得複式House已經叫豪宅,但黃聖依間屋竟然仲可以有扶手電梯,唔知係因為葡萄定仇富,突然就吸引到好多人追睇《媽媽是超人3》。

但大家都將個焦點放喺黃聖依有幾有錢,仲起埋佢屋企人底,的確黃聖依老公好疊水,身家過百億人仔,節目上營造到佢唔識湊囝煮飯,搞到囝囝安迪好孤獨,好慘咁。節目上面見到黃聖依屋企成個櫃都係Hermes,真係恨死睇緊節目嘅觀眾,但唔知係咪節目組怕大家太酸,竟然追住黃聖依個名牌袋打格仔。其實是咁的,中國國家新聞出版廣電總局喺上年嚴肅整治炫富、享樂、暴力類視聽節目,所以之前《爸爸去哪兒》吳尊嘅紋身都被人Blur晒,這就是中國,大家張就吓啦。

根據之前黃聖依個衣櫃,唔使搵金田,呢個袋應該係Hermes!(網上截圖)
+4
吳尊的手臂被馬賽克。(網上截圖)