【蝸居宅急變】Queenie有感而發開live為自己平反：得1日時間拍攝
撰文：張嘉敏
出版：更新：
Queenie日前有感而發開live。
無綫節目《蝸居宅急變》已經播完，不過觀眾同網民對於該節目主持，即所謂的家居創意達人陳莉敏 (Queenie) 的品味同設計就唔多欣賞，對於她一連5集入面悉心打造出來的家居，都有好多負評。而Queenie日前就於facebook開live為自己平反，解釋返其實拍攝時間根本就唔足夠。Queenie表示：「有啲人批評我個節目同新加坡嘅屋企make over節目爭得遠啦，其實唔需要比較，新加坡以及其他地方嘅呢類節目，同我哋好唔同，人哋嘅budget係涉及幾十萬甚至一百萬，每個單位有幾個月至半年時間去拍，而我哋只係得1日，最多係1日半時間去拍攝。」
網民對佢嘅設計唔多buy。
相關文章
不過Queenie依然對於自己為呢個節目所做的感到好自豪：「所有嘢都係我自己落手落腳去做，包括倒垃圾，執嘢，我係全心全意去做。每個單位只得1日時間可以做到咁嘅效果，我覺得已經好amazing。」她強調不是要人學她去整一間樣板屋，要跟住她去佈置，而是想讓人掌握一些家居設計的概念。她亦沒有因為大家的負評而唔開心，純粹有感而發，更用普通話叫大家「不要雞蛋裡挑骨頭。」
Queenie自己屋企。
佢話節目入面每個家居只得1日時間拍攝。