陳柏宇被指太太懷孕打算棄養 符曉薇澄清:睇到報導真心嘔血

撰文:陳浩賢
出版:更新:

歌手陳柏宇跟太太符曉薇結婚後,早前宣佈太太懷孕,可喜可賀。不過近日有報導指他在太太及愛犬之間,只能二選一,最壞打算是將狗交給朋友處理,惹來棄養疑雲。事件曝光後,柏宇太太符曉薇即在ig澄清,從來無諗過棄養,只是因為兩住愛犬打架,要交給專業人士處理,原來只是一場誤會。

陳柏宇日前在簽名會,提到家中兩隻愛犬打交,要交由專業人士處理,卻被誤會打算棄養寵物。(網上圖片)

柏宇近日出席簽名會時,提到家中飼養的老虎狗及鬆獅狗近月無故打架,他試過阻止時被弄傷手指,正尋求專業訓練員協助,最壞打算是將其中一隻狗狗放在前同屋主家,而這番言論隨即被愛狗網民評擊,懷疑他為了bb棄養。柏宇太太符曉薇今日即在ig澄清,說初時見到報導覺得好笑,但再看過留言感到「真心嘔血」。

符曉薇正在安胎中,嬲到要Post文澄清並無棄養。(網上圖片)
(網上圖片)
(網上圖片)
柏宇家中愛犬鬆獅狗及老虎狗。(網上圖片)

柏宇太太表示︰「首先我哋係唔會唔要Bessie B.B.,任何一隻動物。第二,d人話我哋教得唔好,如果成日上嚟我屋企嘅朋友都知,vv同Beisse以前唔係咁,係搬咗嚟新屋呢幾個月先打到咁。第三,我哋無驚過佢傷害bb,因為一個係地下 一個係bb床,唔通佢識飛上嚟咬bb,我地係驚佢地打傷,前幾日佢哋打到vv差d咬中bessie 眼球,好彩咬到眉頭。 如果大家識得vv Bessie都知佢哋多次因為打交睇醫生,報導話會畀朋友,我哋係諗bb啱啱出世時,先放去朋友度住,等幾個月bb安定咗就會攞佢返嚟,不過呢個最壞壞打算,因為陳生最愛嘅係Bessie。」看來只是一場誤會,從無不是棄養,既然解釋清楚,柏宇太太不要太激動,小心動到胎氣。