【美女廚房】新一輯6月開播美女廚神有邊位? 阿Bob:會邀請陳瀅

撰文:
最後更新日期:

《美女廚房》被喻為經典中的經典節目,3位主持接手就難免會有壓力。(黃國立攝)

《美女廚房》新一輯正式開鑼!雖然今集沒有方力申、梁漢文、鄭中基擔任主持。不過都有蕭正楠、林盛斌(阿Bob)、張振朗3位做主持,日前(4月21日)蕭正楠與阿Bob出席了商場內的記者發佈會兼「美女學徒」的廚藝比試。一班「美女學徒」出場上台時,蕭正楠與阿Bob又分別幫她們安上花名,1號的Elsie就問她是不是由旺角來的(暗示她MK味濃),盡顯了「抵死鬼馬少少賤格」的風格。

呢位美女學徒參加過2017年香港小姐面試㗎。(黃國立攝)

蕭正楠、阿Bob接受《香港01》訪問時說:「阿Bob:我覺得嗰對twins有twins嘅得意,家姐細妹個效果出嚟會得意。同埋我睇佢哋2個講嘢談吐都幾好。另外靚嘅話就19號,個樣其實好標緻。蕭正楠:11號你都同佢傾咗好耐啦,白衫嗰個,你係咁望住人哋。(阿Bob)哦,我就係唔敢企咁埋吖,因為一望就望到佢整嘢食嘅姿態,我就覺得唔係咁好,所以就行遠啲,留返個位俾蕭正楠。因為佢喺咁推開我,話我阻住佢。」

幾位參加者事業心都好重。(黃國立攝)

談到今輯《美女廚房》的節目內容,阿Bob就明言今次製作是「落重本」。「今次好著重廚房、我哋有個好靚嘅廚房、仲有食材啦、美女廚神、仲有美女學徒,所以嘢都好靚。」問到會不會在節目時做足安全措施,例如帶定胃藥。他們說:「蕭正楠:做得呢個節目其實預咗㗎啦。阿Bob:放心,現場有醫護人員喺度,哈哈。(真係有?)節目組其實諗緊現場需唔需有醫護人員喺度。因為如果有人食錯嘢,個肚唔舒服咁點算,將軍澳離醫院又咁遠。」

餵食場面一定有,好唔好食、會唔會食到肚痛,就到時先知啦。(黃國立攝)

雖然現階段玩法或詳細節目流程尚未公開,不過阿Bob與蕭正楠就透露了一些他們將會邀請的嘉賓。「阿Bob:陳瀅都好好吖,佢知我做主持就搵我話想去個節目玩。譬如仲有陳嘉寶(Anjaylia)、Supergirls-Hidi、等等,呢啲宅男女神都會陸陸續續請佢哋上節目。(但係佢哋唔一定識煮嘢食喎。)蕭正楠:實得嘅,有啲可能天份好高,即場教就搞掂呢。難食嘅話,咪再有地獄廚神出現囉。(仲有冇其你人?)我諗都係玩開嗰班,Grace陳凱琳、黃心穎、蔡思貝。(黃翠如呢?)蕭正楠:佢吖?佢真係未知之數。(女朋友煮俾男朋友食好sweet喎。)有時有啲苦等我自己一個食就得,唔使話下下都咁多觀眾嘉賓一齊睇住。阿Bob:唔緊要,兄弟撐。」

當日所見2位嘉賓淨係整嘢飲都有啲手忙腳亂。(黃國立攝)

+17
+16
+15


X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。