【1+1的深情】林奕匡晒恩愛有幾肉麻？ 連田蕊妮都頂唔順呀！
撰文：鄺鈺瑩
出版：更新：
對於Rikko多年來無條件的支持，林奕匡一直心存感激。（影片截圖）
林奕匡（Phil）同老婆李靄璣（Rikko）不時都會在ig上放閃，日前二日齊齊現身無綫節目《1+1的深情》，除分享10年愛情路上的高山低谷外，更無意爆出勁嘔心的小習慣，令主持人田蕊妮（阿田）聽完都不禁反白眼。
【專訪】林奕匡老婆不計較付出 拒絕金融才俊追求：唔可以辜負佢
一粒香口膠都要你食完我再食，嘔心又唔衛生，但情趣這回事……（影片截圖）
節目中，林奕匡提到由加拿大來港做歌手後，曾經窮得銀行連一百元都不夠，但Rikko依然不離不棄。「性格雖然唔似，但一凹一凸剛剛好，有好多共同話題、興趣」。二人共賦同居多年，但仍會給予對方私人空間，阿田聽罷大感奇怪，並指自己在家上廁所時從不關門，而老公杜汶澤亦會進來洗澡，呢啲老夫老妻習慣Rikko雖然話無，但佢就補充話：「他咀嚼過的香口膠，會讓我繼續嚼！」嘩，單係試想個畫面都覺得好鬼嘔心！林奕匡就解釋話拍拖初期，什麼都想試什麼都想做，就連Rikko要飲水，佢都會將水先弄暖……聽到田蕊妮啲雞皮跌到一地都係。
林奕匡在節目日公開澳門求片段。「我的上半生很平凡，有了你，下半生變得很精彩。」（影片截圖）
林奕匡同Rikko拍拖10年，直到去年Phil在澳門求婚成功，並於同年在加拿大舉行婚禮，二人在感情路上走過高山低谷，彼此早已視對方為結婚對象，Rikko一句「我知道佢點都想娶我」配上林奕匡一句「我唔相信佢會唔答應嫁比我」那份霸氣，再次將田蕊妮擊例。
田蕊妮見到林奕匡幫老婆李靄璣綁鞋帶呢個動作都有少少驚訝。（影片截圖）