雪兒自嘲烹飪零分:全交由老公負責

撰文:賴家杰
出版:更新:

久未出席公開活動嘅雪兒今日(23日)跟謝安琪 (Kay)出席素食活動,現場Kay更為活動現場烹飪,問到雪兒點解都唔落場煮埋一份,雪兒解答:「通常呢方面全權交由老公負責,就算係啲紀念日或特別日子都全由老公負責。」

雪兒講到對於烹飪基本上交由老公負責。(陳順禎)
雪兒今日出席公開活見到佢都仲係咁靚。(陳順禎)

「尋秦記」電影版已經會落實開拍,原班人馬之一嘅雪兒亦有份參演,問到雪兒幾時開機呢?雪兒回答:「自己仲未知道,其實一直都由經理人洽談當中,如果傾得成功,自己當然會好開心啦。」對於最近有冇同古天樂聯絡,雪兒話已經用訊息恭喜咗佢得到影帝。

對於尋秦記電影版雪兒都表示會期待。(陳順禎)