【開心速遞】送水輝施盡冧功卻遭冷漠對待 大小姐：我要初戀呀
撰文：張嘉敏
出版：更新：
大小姐同送水輝勁sweet。
無綫處境劇《愛‧回家之開心速遞》已經播出了300多集，收視同口碑都愈來愈好，而劇中多對CP都好受歡迎，其中最多人鍾意睇的一定是大小姐 (林淑敏飾) 同送水輝 (許家傑飾) 呢對喇。唔少人睇呢套劇都好想睇大小姐同送水輝的感情線，早前一集玩初戀無限Feel就睇得大家好開心，等了10幾集，他們昨晚又再孖住出場喇。呢集「初戀有個Deal」是上次的延續，講大小姐再度以龍小蓮身份幫襯送水輝的初戀套餐，今次她扮大學生同輝Dee (即送水輝) 拍拖，真係好sweet㗎！
佢餵大小姐食豬嘅輸卵管。
好冧呀！
雖然大小姐同送水輝已經唔係青春少艾，不過兩人玩這些十八廿二的戀愛情節，卻半點突兀感都無，反而係令人睇得好投入，好能夠感受到熱戀中情侶那種甜到漏的心情，睇到人會心微笑。大小姐扮大學生亦係零違和感，淡妝的她依然keep得好好。送水輝個酒窩可以話係殺死人，難怪大小姐咁迷戀他。送水輝唔止同大小姐拖到實行街街，仲餵大小姐食嘢，他話豬腸係輸卵管那幕好好笑，最後仲為了摘花給大小姐而受傷，冧到大小姐暈咁滯。
送水輝為咗摘花畀大小姐而受傷。
送水輝一諗起同大小姐啲sweet片段即刻甜笑。
而送水輝亦都終於對大小姐動了真情，特地去買髮夾送給大小姐，一諗起同大小姐的拍拖片段又冧爆甜笑，被朋友話他「沉船」時也沒有否認，仲笑得勁冧，咁即係默認啦。但當大小姐知道了送水輝對她咁好只是因為收了錢而提供服務，跟她拖手、對她甜笑同餵食亦不過是服務包含的三種基本元素時，一切都是為了賺錢，大小姐竟然開始夢醒，想從沉溺於送水輝的「愛意」之中抽離。最後一幕送水輝滿心歡喜咁入office房見大小姐，換來大小姐的冷淡對待，離開時大小姐眼尾都唔望下他，令人看得份外心痛，不少網民都大呼好虐心呀！
送水輝默認已經對大小姐沉船。
呢幕睇到人好虐心。
+18