票房毒藥景甜被加入《復仇3》 後台強勁但屢獲金掃帚獎
撰文：鄺鈺瑩
出版：更新：
景甜一直被指靠背景才備受重用，但佢就曾經表示不會在意沒有根據的新聞。（網上圖片）
萬眾期待的《復仇者聯盟3：無限之戰》（Avengers: Infinity War）上映在即，預告片段及宣傳海報亦相繼曝光，不過，日前有網民就赫然發現海報中有內地女星景甜的蹤影，雖然已證實純粹P圖，但呢張毫無違和感的海報竟然出現在寧波某戲院，對於自己有幸與Marvel英雄同場，景甜自己都得啖笑。
景甜被網友P圖到無違和感版《復仇3》的海報上，寧波某戲院竟然信以為真。（網上圖片）
講到景甜呢位女子，其實佢曾參演張藝謀的《長城》、《金剛：骷髏島》 以及《悍戰太平洋2：起義時空》等荷里活電影，所以寧波某戲院的員工相信佢出演《復仇者聯盟3：無限之戰》亦唔出奇。之不過，景甜雖然拍過唔少大片，可惜她的代名詞係「票房毒藥」，內地唔少網民亦都笑「唯有景甜能超越景甜」，不過，曾兩榮獲中國「金掃帚獎」的「最令人失望女演員獎」至今為何仍然有人願意搵佢拍戲呢？除有傳景甜的父親係中國政府的中宣部副部長，且掌管中央電視的景俊海外，亦有傳景甜係某電影公司老闆的包養對象，但隨著景甜早前認愛乒乓球手張繼科後，唔知佢仲會唔會有機會參與大片呢？
景甜早前公開同父母的合照，但相中呢位男仕絕非傳聞中的掌管中央電視的景俊海，咁到底點解「票房毒藥」有咁多參與大片的機會呢？靠實力囉，一定係。（網上圖片）
景甜上月高調認愛張繼科，會否令她從此失去強大的後台？大家真係要拭目以待。（網上圖片）