同未婚夫Oscar另類放閃網友叫難頂 江若琳：想將佢醜態放上網
撰文：賴家杰
出版：更新：
江若琳在劇中《陽關道》首度飾演Madam，表示終於唔再做受害者。（陳順禎攝）
江若琳（Elanne）最近忙於拍攝馬來西亞港劇《陽關道》，在劇中做女主角的江若琳，近年忙於喺內地拍攝電影唱歌，到今次終於能夠用廣東話拍劇，Elanne表示：「其實可以用廣東話拍劇都幾開心，今次做Madam都係第一次，因為以前拍警匪片都係做受害者或者比人殺死嘅，終於可以威一次。」
江若琳透露後日就係自己餐廳開幕嘅大日，心情十分緊張。（陳順禎）
Elanne最近人生第一次做食店老闆，而食店將於後日（26日）開幕，Elanne表示：「過兩日就人生大事，自己嘅麵館開張啦，原來心情仲緊張過自己出新唱片，感覺就好似一個新生命誕生，因為所有事情係由零開始。」問到未婚夫蕭潤邦（Oscar）有冇俾做生意的建議，Elaine甜蜜話：「都有嘅，好多謝佢喺身邊幫我咁多。」Elanne提提大家食完之後記得留個意見，好壞意見都一定接受。
馬來西亞港劇《陽關道》演員大合照（陳順禎）
江若琳與蕭潤邦經常在社交網站放閃，對於佢地呢種「行為，一眾網友都表示「頂唔順」，不過Elanne就唔太認同：「係咩，冇呀，我地成日都互串大家啫！」Elanne繼續說：「我好鍾意影佢(Osacr)嘅樣衰相，同埋佢成日都好鍾意喺車上面唱歌，但唱嘅歌都係搞笑咁唱，所以我成日都想將佢醜態放上網比大家睇。」呢種閃法，真係未必個個頂得順。