【棟仁的時光】年輕輝哥原來係賽車高手 奪87年葡國杯房車賽亞軍
撰文：林通賢
出版：更新：
煒烈在劇中飾演救員輝哥，和視后唐詩詠有不少對手戲。
《棟仁的時光》劇中唐詩詠飾演救護員，有留意的話必定發現她身邊有位老行尊旁著她出勤，演出不温不火的輝哥，年輕一代未必認識這位綠葉是煒烈（原名：劉永偉），是亞視當年的性格小生，亦是武術指導，更曾經是電影導演，拍過《火舞儷人》《轟天皇家將》。煒烈劇中飾演一位萬事小心的救護員，但現實中的他，為拍劇可以連自身安全都不理，1977年拍亞視劇《大丈夫》，拍攝一場飛車追逐戲，但發生意外，烈哥騎住電單車，連人帶車由橋面飛落河，40呎高撻落水面，烈哥要即刻送入醫院。
烈哥在《亞視百人》亦有提及這件事，雖然驚險，但他說得淡然「拍完我受咗重傷，而家胸骨都有裂痕....當時公司攞咗我呢段失事鏡頭，攞嚟做劇集promo，正式播映都有出街。」烈哥接受《香港01》訪問，他亦自覺當年太大膽，「我嗰陣廿幾歲，自己又鍾意玩車，電單車，私家車都玩，８７年澳門《葡國杯》我都有份參賽，爾冬陞都有一齊落場，當時真係唔識驚，點知就發生意外，我嗰次受傷喺醫院抖咗3個月，....我嗰個年代邊有替身㗎，好多演員都係自己上陣㗎。」
烈哥最令網友記得一定是《我和殭屍有個約會》御命十三這個角色，之後是《城寨英雄》飾演陳師父，但在roller竟然連名都冇，不少網友覺得有欠尊重。