【歡樂今宵50周年】元老藝人葉尚華最難忘塌台：好似仲死咗幾個人

《歡樂今宵》（EYT）昨日舉行「EYT2018好友會聯歡晚宴」，一眾舊時台前幕後的演員工作人員都齊聚一堂食飯。修哥（胡楓）、余慕蓮、顏國樑、梁舜燕、彭健新、葉尚華、吳雨等都有一出席是次聚會。講起《歡樂今宵》，大家一定會想起歡樂的時光及節目，例如《歡樂今宵》的短劇環節《蝦仔爹哋》和《我係maria》等，又或是遊戲環節《歡樂咭》和《幸運星》。當然最令人印象深刻的，就是《歡樂今宵》（EYT）帶給大家的歡笑。

對於參加過《歡樂今宵》的各個藝人，原來最令他們印象深刻的事都不盡相同。問起葉尚華時，他就說起一件《歡樂今宵》拍攝時發生的死人慘劇最為難忘。「《歡樂今宵》其實有好多嘢都好難忘，但係最難忘嘅係。我記得有一次電單車跳遠比賽，喺新界做嘅。嗰次好難忘，因為搭晒棚，但係開場嘅時候塌台，個節目都做唔到。成架機（攝影機）喺個台跌咗落嚟，好似仲死咗幾個人添。嗰個呢，我係終身難忘。」

其後經翻查「香港公共圖書館數碼館」得知，事件發生於1977年7月1日。當日《歡樂今宵》為電視直播的節目，在石崗機場舉行「電單車競技大賽」。大會更在現場築起了20呎高（6.1米／約2層樓高）50呎長的棚架用以安裝巨型照明燈。但是當節目開始前，就有上千名市民不理大會主持人的勸阻而爬上棚架。雖然事發前數秒，主持人之一的何守信亦有發出警告，但最終棚架因抵受不住千名市民的重量而倒塌。棚架上的「觀眾」更跟著棚架從高處摔下除了人壓人，更有不少市民被巨型照明燈壓傷。事件更造成一人死亡，百多人受傷，現場的混亂情況更令到《歡樂今宵》節目暫停及取消。令到此次直播的《歡樂今宵》變成了香港史上有名的「死亡直播」。

雖然早期的《歡樂今宵》發生過死人慘劇，不過亦沒有影響令到整個《歡樂今宵》停播。在往後的2，30年間，更帶給了觀眾和前輩台前幕後的眾多回憶。以下是其中一部份接受《香港01》訪問時提到的難忘事。

余慕蓮說：「最難忘嘅咪係扮香港小姐囉，嗰時EYT乜都要做。」

顏國樑說：「EYT令我最難忘嘅就係同好多老臣子（B哥、汪阿姐等等）仲喺度嘅，唔喺度嘅人合作。另外，原來當年嘅旅遊節目我係第一個做，同吳君如、蔣麗萍一齊去。嗰時未改名，我哋去加勒比海，又唔使著到古靈精怪咁好舒服嘅。」

梁舜燕說：「最難忘又令我學到嘢嘅呢，就係賣現場廣告不能有失。因為係廣告市商俾錢，講錯咗要賠，咪好大件事。不過我就冇試過。」

彭健新：「EYT最令我最難忘嘅係，好早返去要排歌。但係好喎，做就做LIVE，但係嗰時就對嘴嘅啫。但係如果聽得唔清楚都會甩嘅。（甩咗點算？）冇㗎啦，甩咗冇得救，返屋企先有睇。」