【刑事偵緝檔案】劇中大勇Jessie終於分手 男人責任其實大過小三

撰文:
最後更新日期:

無綫深宵時段重播的《刑事偵緝檔案II》,以大勇、義仔偵查各宗兇案為題材,但兇手每次都仿如吃了誠實豆沙包,自爆犯案過程,所以劇集最好看的還是大勇、Jessie及嘉文的三角關係,不少觀眾更邊睇邊鬧,話嘉文當小三好離譜,但諗深一層,事件的始作俑者其實是大勇,每次都給了嘉文假希望,最後咪搞到同正印分手,所以絲打要記住怪罪小三之前,最衰的還是背叛的男人,不要搞錯重點。

大勇安慰受傷的嘉文,跟住仲來一個愛的抱抱。(網上截圖)

劇情發展到大勇和Jessie因為嘉文的出現,情海翻波,而且已經為小三的問題多次爭吵,老實講嘉文雖然講到明鍾意大勇,但如果大家有煲開套劇,都知道大勇平時查案固然投入勇猛,機智果斷,而且對下屬甚為關心體貼,無疑是一位好上司,但對於初出茅廬的警花嘉文,就變成了很大的誘惑,明知大勇有女友Jessie,仍然要暗戀對方,其實是否只是她一廂情願,大勇有無給過假希望女方呢?

大勇攬住其他女仔,仲要給Jessie撞破,好難唔分手。(網上截圖)

相關文章:

【刑事偵緝檔案】郭可盈出招趕絕小三 大婆宣示主權係最有效方法​

【刑事偵緝檔案】郭藹明劇中當小三 高學歷知性美完勝郭可盈

大勇和嘉文去睇彩虹,浪漫成咁,關係十分曖昧。(網上截圖)

嘉文曾經患病而身體甚為虛弱,大勇就總是噓寒問暖,甚至明明自己唔肚餓都陪女方食飯,全程有講有笑,十足是一個稱職的男友。到了嘉文生日,大勇偕女友Jessie到對方家中一起慶祝,臨走前又清唱生日歌,直頭當女友唔存在,嘉文當然芳心暗喜,正印Jessie就睇到眼火爆,不要怪Jessie小器,有邊個女人接受到自己男友在自己面前,口花花撩其他女仔,Jessie忍住未即場發作,已經算是十分得體。

大勇呢下清唱生日歌,係女仔都冧!(網上截圖)

+9
+8
+7

如果以上只是大勇作為上司,體恤下屬的行為,咁之後大勇和嘉文一起去睇雨後彩虹,明顯是情侶拍拖節目,斷估大家返返吓工,都不會跟上司去遊車河和睇彩虹?大勇給嘉文留下了一個如此深刻浪漫的回憶,大家又怎可以怪嘉文犯賤,專搞人男友?不過講到大勇和Jessie分手,之前積埋那些誤會都只算小風波,最大鑊是嘉文受傷要入院做大手術,大勇去醫院探望之餘,仲攬實對方安慰,又偏偏給女友Jessie撞破,如果咁都唔分手,犯賤那位就只會是Jessie,總括來說,大勇其實一手摧毀了自己的戀情,真正無辜的其實是當上小三的嘉文。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。