【鋒味】謝霆鋒煮「葡國雞威靈頓」　當初成名傑作再度出刀

謝霆鋒而家重心放喺煮嘢食相信大家都已經好清楚，直情就開咗個節目叫《鋒味》呢個煮食節目放喺ViuTV度播。而上星期播出的一集，頭段便知道謝霆鋒在ViuTV那一part上正在煮「葡國雞威靈頓」，有留意開謝霆鋒的相信都會知道，上年《十二道鋒味》最爆的一幕，就是靠教煮威靈頓牛扒！那一集除了磨刀、穿崩等等的蝦碌鏡頭出現之外，亦令到他在煮食之路突然聲名大燥，所以你話威靈頓牛扒幫咗佢幾多！

詳情可睇：

謝霆鋒做大廚學Gordon Ramsay磨刀 煮地獄廚神成名牛扒穿晒崩

今集霆鋒不再行以前的舊路，威靈頓牛扒對他已經再沒有難度，所以決定煮「葡國雞威靈頓」。好明顯，由牛扒會變成雞肉，霆鋒表示：「我好鍾意喺西式嘅食物入面落中式嘅食材。」難怪霆鋒可以咁創新，睇得出佢嘅創意係不停地湧緊出嚟。不過上一集他只是在準備隻雞，仲未開始去焗，相信星期六晚上的《鋒味》將會有製成品出現，真係好鬼期待！不過呢個節目只有開頭的短短幾分鐘是ViuTV的環節，有導演火火跟他一起煮嘢食，之後就會播返真正在大陸拍的《鋒味》節目。