朱晨麗扁晒咀喊咁口剪短頭髮 洪永城亂入被嫌阻住晒
撰文：張嘉敏
出版：更新：
朱晨麗於《棟仁的時光》入面嘅長髮look。
唔少留有一把長長秀髮的女生都會好唔捨得剪短啲頭髮，朱晨麗 (Rebecca) 就是其中一個喇，不過作為一個專業演員的她，為了演出即將於下月中開拍的無綫新劇《多功能老婆》，就算幾唔捨得都要剪短頭髮。日前Rebecca就將她剪短髮的過程於Big Big Channel上直播，她亦有share到自己的instagram，讓粉絲同網民一齊見證住她轉換新形象。一個髮型足以影響成個樣，不過以Rebecca咁高的顏值，就無論長頭髮或短頭髮都咁靚啦。
準備開始剪頭髮喇。
扁晒咀。
Rebecca上載到ig的短片中，一開始時她就表示：「我心理準備好喇，望多幾眼喇下，我嘅長頭髮，如果你哋懷念嘅話就夜晚睇《棟仁的時光》啦」剪頭髮都不忘宣傳自己套劇，Rebecca好乖呀。然後髮型師便為她剪短頭髮，她即做出扁晒咀的表情，又扮喊要用紙巾拭淚，見髮型師將剪下的頭髮緩緩撒落地時，她淒慘地喊道：「我啲頭髮呀！」說完即拾起落下的一撮頭髮跟它們講Bye Bye。剪完後面之後就到剪前面，她又大呼：「好驚呀！你哋所講嘅丸子頭就嚟喇。」她的表情和反應都好搞笑，剪完的時候，洪永城仲突然亂入同Rebacca傾偈，但Rebecca就嫌他阻住晒：「你行後啲，我哋吹緊頭髮，一陣間吹到你成嘴都係。」原來只係出於好心啫。
扮晒喊。
仲同啲頭髮講bye bye。
剪完就遇到洪永城亂入。