【01型活墟】方健儀幽默感並非天生 兒時唔講嘢被老師話「自閉」

撰文:
最後更新日期:

講起新聞主播,除了方東昇之外,大家就一定會想起方健儀。其實方健儀2012年離開「無線電視」新聞主播一職之後,發展一直都不錯。憑住其「玩得」的性格兼「幽默」之餘又專業的報導風格,亦令她在司儀業內「如魚得水」。

方健儀昨日為了《01型活墟》暨「貝智基金」舉行的【陪著你跑】慈善路跑活動擔任司儀。 (林迅景攝)

方健儀昨日為了《01型活墟》暨「貝智基金」舉行的【陪著你跑】慈善路跑活動擔任司儀。是次慈善路跑活動用路跑的形式,以表達對自閉症兒童的支持。方健儀接受《香港01》訪問時説:「大家好簡而然之覺得一啲唔講嘢嘅小朋友就係自閉症兒童。」方健儀亦提到自己小學的時候,因性格過於文靜而被誤認為自閉症兒童。「我嗰時嘅特點就係唔講嘢又靜,所以3年班嘅時候,我阿媽去家長日嘅時候,個班主任同佢講:『你個囡有病吖,佢有自閉症。』阿媽當時仲好驚添。」

現時在台上講唔停的方健儀,原來小時候較文靜少說話。 (林迅景攝)

方健儀:「呢件事其實都反映咗嗰個年代大家對自閉症嘅唔了解。譬如我宜家有做港台節目《精靈多一點》,都訪問過好多自閉症人仕。雖然佢哋言語上有障礙,但係可能佢哋內心係充滿知識。我覺得要幫佢哋去發揮潛能,同埋多啲包容接納佢哋。」

方健儀現時有為港台主持節目《精靈多一點》,感受到社會對自閉人仕的不了解。 (林迅景攝)

來到位於觀塘海濱公園的《01型活墟@觀塘》,方健儀表示感覺新鮮。「我覺得觀塘東九龍一帶係少咗類似嘅休憩地方。呢個位其實係補充咗一啲地區上嘅十足。同埋優勢嘅地方就係佢面向維港,所以就唔單止係普通藝墟4幅牆咁簡單,更加有一個好靚嘅風景,同埋我鍾意佢好raw。」



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。