《美女廚房》麥明詩稱廚藝了得:前男友食咗我煮嘅飯就一齊咗

撰文:
最後更新日期:

麥明詩稱在煮中菜方面最拿手。(陳順禎攝)

TVB人氣綜藝節目《美女廚房》的全新一輯正在拍攝當中,而今日一眾美女廚房嘅美女都現身為MV拍攝,藝人出席方面有:高海寧、陳凱琳、蔡思貝、麥明詩、張寶兒等。以前嘅《美女廚房》都出咗唔少出色嘅「地獄廚神」,今日訪問中問到麥明詩會唔會成為新一代「地獄廚神」,佢就話:「以前讀書就喺外國讀書,都要研究一啲食譜,中菜自己都拿手,例如蝦、雞、魚等。」咁Louisa咪好多人爭住食佢煮嘅餸?Louisa笑住回應:「緊係啦,排哂隊......不過排住去廁所。」

Louisa今日拍攝跳舞表示自己跳完都覺噁心。(陳順禎攝)

咁女士們學煮野食唔多唔少都會用嚟冧另一半,Louisa都唔例外,但唔知道佢嘅前男友試完畀咗咩意見呢?Louisa直言:「佢緊係話好食啦,以前未同男朋友一齊嘅時候,仲曖昧緊嗰時我就煮咗一個瑤柱蛋白炒飯,跟住個兩個禮拜我哋就一齊咗啦。」講到呢到Louisa就比咗個手指公岀嚟,睇嚟佢對自己嘅廚藝真係好有信心,唔知到時候佢節目播岀後,大家對佢嘅廚藝係咪都一致讚好呢?

+3
+2

而《美女廚房》對大家嚟講,究竟係睇美女定睇佢地廚藝呢?Louisa自嘲說:「其實美女廚房係睇美女而唔係睇廚藝,講到美女呢方面自己就有少少比下去啦,因為佢地都好靚女。」Louisa唔好感覺其她美女比你更靚,因為小編已經覺得妳好靚。
 



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。