《尋秦記》開拍古仔未召喚 郭羨妮:冇信心演返當年咁純潔嘅眼神

撰文:
最後更新日期:

郭羨妮與黃芷晴今日中午出席世界盃宣傳活動(賴家杰攝)

郭羨妮與黃芷晴今日中午出席世界盃宣傳活動,其實睇足球其實宜家已經唔係男人嘅專利,女人都一樣好鍾意睇,係活動上面司儀就介紹今日嘉賓郭羨妮與黃芷晴係用「愛」嚟睇波,因為郭羨妮透露會陪老公一齊睇波,而子晴則係陪爸爸一齊睇波。

 

Sonija講到唔理解男人點解會可以校鬧鐘起身睇波(賴家杰攝)

4年一度舉辦嘅世界盃就會喺今年進行呢一場盛事,Sonija活動上都講到老公係會好熱烈咁支持呢一項盛事,但接受訪問時候問到對於佢自己會唔會捱夜陪老公一齊睇呢?Sonija就表示:「傻咩,唔會呀,我好唔明點解男人可以校鬧鐘起身睇波,我自己就唔會啦,有時候佢番到嚟香港,半夜時候見到佢仲未訓,就問佢做緊咩,佢答睇緊波,佢成日都會咁,習慣咗。」

Sonija對於<尋秦記>電影版都不知情,冇信心演番當年飾演嘅角色(賴家杰攝)

一直都忙於照顧家庭嘅Sonija都會抽空做一啲自己鍾意做嘅事,例如:拍劇及出席活動都有,不過講到長時間方面,Sonija都係抗拒,Sonija回答到:「太耐唔得啦,我覺得我要每日睇住佢嘅功課,要睇住佢溫咩,如果一甩咗就唔得啦,所以賺錢方面都交哂比老公。」,至於兩夫妻成日都要分隔兩地,Sonija都坦言其實大家一開始拍拖時候都咁樣,已經習慣。

由古天樂主演及投資的<尋秦記>電影版都準備開拍,想當年Sonija飾演「琴清」一角都大受歡迎,問到今次古仔有冇搵佢拍電影版,Sonija表示未收到呢個消息,都冇同古仔聯絡過,但講到會唔會想再演番呢一個角色,Sonija回答:「唔知道呀,宜家嘅我同想當年嘅我已經唔同咗,成熟咗咁多,可能演唔番咁純潔嘅眼神,同埋當年係我演第一部劇,已經變化太多,眼神裡面都演唔番個種純潔眼神,我唔知道,都唔敢想像。」,不過Sonija當年同宜家都有冇咩大嘅變化呢,佢講笑咁講年紀變大咗,但《尋秦記》中的郭羡妮又真係冇得輸,大家可以望下樓下的圖輯,重温下佢同古仔的靚樣。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。