【3日2夜.專訪】陳詩欣做TVB主播6個月:目標最想阿姐噏到我個名

撰文:
最後更新日期:

《3日2夜》之前,其實已經好多網民識得佢。(林迅景攝)

《3日2夜》自從由J2台移師至無綫翡翠台之後,雖然「甜度」大減失色不少,但是取而代之的是,焦點重新放在介紹風景人物上,實實在在變了一個老少咸宜的旅遊節目。雖然如此,但是網民關心的,始終是節目中出現的美少女(或者壯男?)。《3日2夜》的第15,16集就有陳詩欣(Eunice)以及陳衍峰(Leonard)到訪位於地中海的阿爾巴尼亞。《3日2夜》播出之後,都有不少網民提及這位陳詩欣,更有人認出她就是J2娛樂新聞的女主播。不過唔講唔知,熒幕上的她看似斯文又溫柔,但在這個斯文高貴的外表下,卻是一個實實在在的「麻甩佬」。

冇泳衣環節唔緊要,有晚裝睇都唔差。(電視截圖)

Eunice接受《香港01》專訪時說:「麻甩吖?自己成日喺屋企隊啤酒算唔算麻甩?又唔係成日嘅,有時候(喺屋企)睇戲,又自己一個,好冇癮㗎嘛。尤其係之前睇嘅韓劇,又會受到佢哋影響,食炸雞就要飲啤酒。所以自己一個睇戲就會飲啤酒,其實好enjoy㗎喎。」這個時候就連坐在身邊的經理人也說:「佢會食男人飯㗎。」陳詩欣:「係吖。我突然記得有一個故事,同一個男性朋友出街食飯。佢就嗌紅酒,我就嗌啤酒。但係個侍應一嚟到,就將罐啤酒俾男仕。跟住我個男仔朋友就話:『女仔係唔應該飲啤酒,而係應該飲紅酒㗎。』」當然,只得食「男人飯」和飲啤酒是不足以稱之為「麻甩系女子」。陳詩欣本人更會講粗口、聽男人堆講咸濕笑話又不會臉紅同埋只愛穿波鞋而討厭高跟鞋。

+9
+8
+7

【3日2夜.多圖】歐陽巧瑩陳蕊蕊帛琉嬉水 浸牛奶湖好梳乎

【3日2夜】歐陽巧瑩同翻版袁偉豪遊帛琉:我老公 (林師傑) 先最正

陳詩欣(Eunice)話自己最鍾意「隊啤」,真係夠晒麻甩。(林迅景攝)

Eunice在2017年11月加入TVB,至今都有6個月時間。但其實Eunice由18歲開始,就已經簽約Jamcast成為一名模特兒,同期加入的其實還有Heidi(李靜儀),原來Eunice同Heidi仲係同學添。「嗰時學校同公司有個合作,就係贏嘅一男一女可以得到份合約。我嗰時只係負責做MC,但係公司都睇中咗我,我就同勝利者(即是Heidi)一齊簽咗公司。」說起工作,Eunice也提到原來自從做了主持之後,生活就完全改變了。由不定時的模特兒工作變成每天規律的「返廠」錄節目或出外景,她說:「雖然只係入咗TVB 5個月,但係已經學咗好多嘢,又睇多咗嘢,見識多咗。」

加入TVB幾個月就有得拍《3日2夜》,都算係一個成就。(林迅景攝)

加入TVB沒多久,陳詩欣(Eunice)就被安排去《3日2夜》節目,不過她的工作亦不是一帆風順。問起擔任主播時有甚麼困難時,她說:「我一開始真係唔慣,可能唔慣,所以錄完旁白時要成日補。咬字啦,同埋有啲音會讀錯,所以讀完旁白之後個同事就會話:『唔係咁讀吖。』跟著我又要返去錄音室再錄。其實頭嗰一個月,嗰段路我係一日來回行20次。但係佢哋好好人,知我新都不斷俾我讀旁白練習。」

+17
+16
+15

【3日2夜】陳婉衡靠空中瑜伽keep fit 練人魚線最緊要有恆心

【3日2夜】張曦雯坐過山車都show到好身材 冇比堅尼其實仲好睇

最吸引網民嘅,一定係佢Instagram入面嘅長腿相。(林迅景攝)

談起在TVB「生活」以及與其他TVB藝人的相處,Eunice就說:「我覺得最緊要有禮貌,因為TVB好大,除咗幕前仲有好多幕後。雖然我唔係每一位都識,但係我差唔多會由返工門口行到去主播間房,遇到咩人我都會點頭微笑。我其實唔會話刻意同佢哋打好關係,同埋我個人要夠真,人哋同你相處得舒服,就自然會同你傾多啲計。(有冇邊個前輩主動搵你傾計,例如汪阿姐?)冇吖,我都想阿姐同我傾計,哈哈哈。係行過打招呼囉。(佢認唔認得你?)我諗唔知吖,哈哈。我要以阿姐識我為目標,我要阿姐下次噏到我個名。如果佢哋噏到我個名都幾有存在價值㗎,不過噏唔到都正常嘅。」咁Eunice就真係要加油啦,因為有好多藝人喺TVB做足10年,都冇咩人噏得出個名。

其實有個「麻甩系」女友真係唔錯。(林迅景攝)

髮型:Chris Cheng @TST II Colop
場地:Penthouse Party @觀塘

+9
+8
+7


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。