譚小環為節目豁出去闖棺材舖 發現殯儀業有網上服務好驚奇

撰文:
最後更新日期:

譚小環最近就為咗奇妙電視節目《搵錢男女》,同司徒瑞祈、胡孟青等主持四出發掘搵錢之道,喺最新一集裡面佢仲認真豁出去,連殯儀業、棺材舖都唔放過,認真百無禁忌。問譚小環點睇網上殯儀,佢就話唔抗拒:「好少見所以好驚喜,咁都有網上服務,所有價錢都可以清楚見到,有預算好好多!」而小環拍攝時亦有跟足傳統習俗,帶住碌柚葉旁身。

譚小環百無禁忌,為奇妙電視節目《搵錢男女》到棺材舖拍攝。

除咗棺材舖,小環亦到訪一間內衣店,訪問「試Bra達人」成功賺錢的秘訣。小環大爆自己對內衣有一定要求:「作為成熟知性嘅女性,我要揀最優質嘅!」多個款式之中,小環表示自己比較偏好平實的款式。另一邊廂,司徒瑞祈體驗「按摩到會服務」,體驗於辦公室按摩嘅感覺:「按摩係好私人嘅事,都係留翻放工做好啲!」

譚小環挑戰「試Bra達人」,大爆自己對內衣要求高!



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。