陳茵媺三年抱三宣布封肚唔再生：我想做返幕前工作

提到Aimee同老公陳豪三年抱三，問會否再生小朋友？Aimee斬釘截鐵表示短期內沒有這個打算，笑言暫時三個夠數：「湊三個小朋友好辛苦，因為我同阿Mo（陳豪）好多嘢都係親力親為，而且我想做返幕前工作，自從上次拍電影後，已經努力keep fit，回復狀態，ready復出。有報道話阿Mo唔想我復出幕前，當然唔係事實，佢知我好鍾意拍嘢，佢好支持我，如果我要拍嘢，佢會負責湊小朋友，調番轉到佢拍嘢，就由我湊小朋友，我哋係partnership。」

三年抱三嘅藝人陳茵媺（Aimee）日前為幼兒食品品牌拍攝廣告，身為代言Aimee，拍攝期間更以牛仔look上陣，同多名小演員去到郊外取景。雖然唔少藝人都話好怕同小朋友合作，但Aimee坦言最喜歡同小朋友及動物合作。問到會唔會想同自己嘅仔女合作時，佢立即耍手擰頭話：「我會集中唔到啊！」Aimee透露過往雖然有廣告商邀請自己同仔女一齊拍廣告，但都一一推掉，坦言：「佢哋年紀仲細，一來唔想佢哋太多曝光，二來我覺得佢哋應該以讀書為先，先培養讀書心態，好似我以前咁，我都好喜歡拍嘢，但Daddy唔想我心散，要我大學畢業先，之後先可以選擇自己想做嘅嘢。」