【早霸王】男聽眾打麻雀無錢畀都識到女 森美:不如以身相許啦!

撰文:
最後更新日期:

森美成功撮合了麻雀情侶。(ig圖片)

每逄星期五,又到《早霸王》的表白環節《你知道唔知道有人掛住你》,今日有位男聽眾「 阿南」打去節目,話自己明戀的對象Zoe是在打麻雀時認識的。「嗰次朋友唔夠腳叫我去,都幾靚女。」雖然成日都有人話打牌傷感情,但阿南就逆線而行,打出真感情,而且仲幾高招。「我輸咗錢,於是去撳機,但張提款卡無錢,所以就交換咗電話,打算之後再過數。」咁高明的抄牌技術,連森美聽到都話叻!更不停笑言「肉償同以身相許更快」
 

佢仲叫大家睇返自己有份演出的《雀圣3:自摸三百番》。(網上圖片)

阿南之後同Zoe一直保持聯絡,有日更趁對方外遊時鼓起勇氣,透過WhatsApp發動攻擊:「點解好似有啲掛住你?」雖然對方以「唔通愚人節你玩我」做回覆令阿南不知如何是好,但終極一句「其實我都有啲掛住你」明晒啦!既然大家都畫公仔畫出腸,咁問題在哪呢?原來阿南「唔知係未」,所以令雙方關係依然係曖昧狀況。森美聽完之後,即時表示「得!你有機會」更鼓勵阿南暫時放下手頭上的工作,馬上打去表白。

不過原來森美係唔識打牌的。(網上圖片)

電話接通後,Zoe聽到森美小儀把聲似乎已經知乜事,單身半年的她話自己身邊有幾個追求者,但自己就淨係對一個OK,不過因為怕表錯情所以死都唔肯開名,不過Zoe又點會鬥得贏森美呢?最終她亦說出了「阿南」,聽到阿南把聲之後,Zoe傻笑之餘,亦不忘提點對方「咁你講啦」,阿南一句「同我一齊建築我地未來」即時禮成。



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。