【多圖】ViuTV 選秀節目《全民造星》 油面版張信哲係咩玩法?

撰文:張嘉敏
出版:更新:

ViuTV繼前年舉辦過選美比賽之後,事隔兩年又有新搞作,今年將會舉辦《Good Night Show 全民造星》的選秀節目,為娛樂圈打造新一代的全能偶像。不過今次同上次的選美好唔同,今次只接受男仔參加,女仔無份。入圍的100名男參賽者會於一連60集的節目內接受演藝訓練並進行淘汰賽,出綫選手有機會到美國接受特訓,最終勝出的冠軍將會奪得港幣100萬元獎金。ViuTV今日開始進行大型公開招募,話畀大家知唔止高手在民間,偶像都一樣來自民間。為隆重其事,大會還請來了10位星級導師分兩組訓練參賽者。

今日眾多參賽者分批逐一會見多位導師評審包括郭偉亮、側田以及卓韻芝等,並使出渾身解數表演自己的強項以爭取入圍。而開放給傳媒採訪的時段就有大約30個參賽者中,當中不乏比較高質的,以下為大家推介5位較突出的參選者,有高大版杜汶澤、嫩口版林家棟、青春版陳偉霆、油面張信哲以及酷愛廣東話的美國男Alex。

高大版杜汶澤

邱士縉 (Stanley) 現年27歲,身高183cm,城大畢業,職業是全職dancer,曾為郭富城、周柏豪、林憶蓮以及鄧紫棋伴舞。他今日表演跳urban dance,問到參選原因他說:「我好鍾意表演,除咗跳舞都想試下演戲,想試多啲唔同範疇嘅表演,唔止係跳舞。」他表示為了呢個比賽有操肌練大隻:「本身有做開gym,近排加密咗訓練,飲食方面都有配合,想操到起碼40寸胸肌,依家得39寸。」

嫩口版林家棟

蔡浩洋 (Andy) 現年27歲,剛於演藝學院畢業,現為freelance演員,178cm高,由於樣子酷似young版林家棟,曾經做過兩次家棟的年輕版,一次是於電影《選擇遊戲》 (未上映),另一似是拍攝港台廣告《凝視香港30秒:廿歲仔》,跟家棟見過一次面覺得對方好好人。今日他會表演一段讀白戲,問到參選原因,他說:「細個已經好鍾意呢啲綜藝節目,覺得好熱血,自己都好鍾意表演,我讀drama,對演戲好有興趣。」至於賣點方面他表示:「我形象夠百變扮,可以扮演好多唔同類型嘅角色。」

青春版陳偉霆

陸頌賢 (Jason) 現年24歲,於理工大學修讀工程系,186cm高,除了是學生亦是一位part time model。Jason個樣成日都畀人話似陳偉霆,原來他都一樣識得跳舞,不過就好謙虛咁話:「咁我梗係無得同佢比啦,佢咁勁。」他覺得自己的優勝之處是身高,都想藉住今次比賽可以入行,他今日表演跳舞:「我對演戲都好有興趣,有學過演戲,同埋自己做開運動,想拍動作武打戲。」

+1

油面張信哲

現年26歲的溫明龍 (Zero) 畢業於城大,181cm高,現職freelance model,斯斯文文的他帶點書卷氣,今日他會表演唱張信哲的《愛如潮水》,至於參選原因:他說:「睇到宣傳招募,想試下透過呢個比賽去接受唔同嘅演藝訓練,自己對演戲唱歌都有興趣,識韓文,亦有做過一啲活動嘅主持工作。」

熱愛廣東話美國男

Alex (赫倫) 現年30歲,179cm高,於中大碩士畢業,原籍美國的他因為熱愛廣東話,於2009年來香港修讀暑期課程學廣東話,現職為教師。他今日表演唱農夫的《舉高隻手》,參選是因為覺得好玩,他識得唱歌打鼓,對演戲都有興趣,他說:「以前喺有個朋友母語係廣東話,我哋會一齊睇周星馳嘅戲,我覺得廣東話好有型,所以好鍾意,除咗上堂學我都有自學,香港好少識講廣東話嘅白人。」其實他除了識聽識講廣東話,仲識睇,好強勁㗎!

觀感從來都是主觀的,點撃以下相片欣賞其他參賽者。
+21