陳家樂原本同陳偉霆一齊做Sun Boy'z : 我跳舞跟唔上佢哋

撰文:關穎賢
出版:更新:

陳家樂最近憑新劇《逆緣》成功入屋,其實佢喺03年參加過英皇新秀歌唱大賽,仲晉身16強再簽約英皇,仲係同陳偉霆同屆添!

陳家樂接受梁泰來訪問

日前家樂接受由梁泰來主持嘅電台節目《1圈圈 星光背後》時,透露當年因為關智斌獨立發展而Boy'z 班底重組Sun Boy'z,而家樂亦係侯選人之一,但係當時佢自覺同其他成員格格不入,加上唔係跳舞嘅材料,所以上咗幾堂跳舞堂之後就決定放棄,謂:「我係簽咗約先知公司想組成Sun Boy'z,佢哋就要求我去排舞。排咗幾堂,我完全跟唔上,但佢哋全部都跳得好有型、Chok到好靚仔,而我依然仲記緊Step,跳到成隻蟹咁!我啲手腳係唔協調,一字馬佢哋全部都做得好好,但我連普通動作都做唔到。好沮喪,完全跟唔上,上咗幾課我就知道自己唔得,我同佢哋講我唔去(排舞),我好易放棄。呢樣係我以前嘅一個缺點嚟,我對一啲自己冇信心嘅事,我係好易放棄。」

+1