【西部世界】DJ Khaled話唔服務女人　Evan Rachel Wood留言寸爆

一向言論出位嘅DJ Khaled一段2014年接受外國電台節目《The Breakfast Club》訪問片段最近被網民翻炒，喺節目入面DJ Khaled就大談性經驗，更指自己絕對唔會為老婆Nicole Tuck用口「服務」，更覺得女人要讚美同崇拜男人，同時女人為咗答謝男人就要用口「服務」對方。其後佢仲話自己接受唔到女人唔用口「服務」自己，而自己答謝女人嘅方法就係提供住所、食物同金錢。

DJ Khaled呢番言論就惹來唔少負評，連神劇《西部世界》﹝Westworld﹞同志女星Evan Rachel Wood都睇唔過眼批評DJ Khaled雙重標準，更批評佢性別主義，喺Twitter留言寸爆對方，寫道：「你真係走寶，我一向都好自豪同享受用口『服務』女人，唔該你成熟啲。」另外，連The Rock﹝狄維莊遜﹞都忍唔住留言話：「作為男人，我對精通所有『服務』而感到好自豪。」