盤點十位 TVB 現役女星學生相 李佳芯陳自瑤最清純

撰文:冼燕珊
出版:更新:

每隔一排,網上就會流出一些明星嘅童年照,今次就同大家一齊睇吓一班啲 TVB 現役女星嘅學生相,當中有唔少在學生時期已經係校花,天生注定食呢行飯;有啲就「女大十八變」,當時不起眼的醜小鴨,今日已經變成女神。

莊思敏 香港真光中學

網上圖片

估唔到身為拿督女的莊思敏(Jacquelin),原來係喺香港讀書。馬來西亞出世嘅Jacquelin細細個就移居香港,佢作風一向出位,早年更公開承認自己整容和隆胸,仲話唔滿意自己嘅身材。但睇返佢啲學生相,第一感覺係好清純不做作,不施脂粉反而更加清秀,巴掌臉而且五官比例剛剛好,比起依家經常以濃妝示人,未整容未隆胸前嘅佢,更加有個人特色。

糖妹(黃山怡) 寶血會上智英文書院/獅子會中學

網上圖片

糖妹當年與糖兄以組合「糖兄妹」出道,但大家都只注意到外型可愛,蓄平蔭大波浪頭的糖妹。睇返糖妹張學生相,學生時期嘅佢,皮膚黝黑,髮型有點散亂,雖然唔係行女神路線,但都係好可愛。

吳若希 廖寶珊紀念書院

網上圖片

榮升媽媽的吳若希,之前成日畀人話佢包包面,後來唔知點解,包面消失咗,塊面尖咗不少,睇返學生時期嘅佢,沒有化妝品的加持,眼睛望落更細,顯得臉形更大。不過唔緊要啦,依家變靚咪得囉。

江嘉敏 嘉諾撒聖心書院

網上圖片

TVB 上位小花江嘉敏(Kaman),於劇集《親親我好媽》中以清純學生形象出道,秒殺一眾獨男攀升成為女神級。Kaman仲參加過校花校草選舉,學生時期的她除咗眼袋大咗少少,樣子同依家都無咩分別。

蔣家旻 仁濟醫院林百欣中學

網上圖片

TVB 小花蔣家旻今年已經 28 歲,但依然非常童顏,睇返學生時期嘅佢,個樣反而望落無咁細路女,眼大大皮膚白白淨淨,仲好乖咁夾起晒啲瀏海,樣子非常清純。

劉佩玥 浸信會呂明才中學

網上圖片

讀沙田名校的劉佩玥(Moon),相中的她穿著運動服,臉尖尖五官清秀分明,不施脂粉更顯清純,絕對不比現在的狀態遜色,反而好似仲靚啲添!

馮盈盈 寶血會上智英文書院

香港小姐冠軍馮盈盈(Crystal),學生時期的 FYY 同依家一樣咁靚,同樣係眼大大臉尖尖,相信裙下之神應該多到可以圍住操場幾個圈。

網上圖片
+1

陳自瑤 寶覺中學

網上圖片

TVB 最索人妻之一的陳自瑤(Yoyo),即使生咗一個女,但身材依然Fit 爆,目前36歲的她,保養得宜,絕對唔差得過一線花旦。睇返著住校服嘅Yoyo,雖然張相有啲朦,但絕對睇得出學生時期嘅Yoyo已經係女神級。

+2

黃翠如 五旬節林漢光中學

影片截圖

黃翠如學生時期已經接受香港電台《鏗鏘集》訪問,當時塊面有點baby fat 的翠如,雖然未達女神級數,但及肩短髮加上說話條理清晰,言語之中帶點威嚴,屬於女班長型。而現在翠如褪去baby fat ,五官更加分明。

李佳芯 伊斯蘭脫維善紀念中學

網上圖片

與黃翠如一樣出身於有線電視的李佳芯(Ali),依家已經成功上位成為 TVB 一線花旦,從小三演到法官,形象多變,男女觀眾通殺。學生時期的 Ali 長髮大眼瓜子臉,標準女神樣,兩個字:堅靚!

+2