胡定欣沙漠拍喊戲 風沙大到眼都擘唔開做唔做到？
撰文：冼燕珊
出版：更新：
胡定欣前排去咗橫店拍電視劇《包青天之再起風雲》，近日劇組又飛去新彊拍攝，定欣利用休息時間，勤力update IG 動態，分享拍攝點滴！
定欣去到沙漠拍《包青天再起風雲》，大風到要用黑紗包頭擋沙。（IG圖片)
定欣 Po 嘅其中一張係佢頭戴黑紗，因為當地風沙實在太大，所以要戴頭紗擋風，連定欣都講笑咁話「今次真係變沙翁」。定欣唔只要「食沙」，仲要喺沙漠上拍一場同公孫策滾地沙嘅戲，真係想像唔到沖涼嗰時，成頭成身沙究竟點洗！
喺沙漠拍滾地沙嘅戲，想像唔到沖涼嗰時點算！（IG圖片)
雖然聽落好似好辛苦，但定欣就話其實佢好開心，因為今次係佢人生第一次到沙漠，佢話：「覺得好靚，但拍咗無耐，就開始收太陽起風沙，我都豁出去，碌沙、瞓地、感受一下呢個環境。」定欣仲話要喺沙塵滾滾嘅環境下拍感情遵，仲要喊，佢初時都好懷疑自己做唔做到，因為真係大風到連眼都擘唔開，不過最後定欣都喊得出，不愧係兩屆視后！
雖然要不斷食沙，但定欣好開心可以到沙漠拍攝。（IG圖片）
+1