石原里美傳出新戀情　上月尾來港前與新歡同遊沖繩

4月尾嘅時候，日劇女神石原里美喺香港被野生捕獲，旺角港鐵站月台以及山頂纜車站都見到佢嘅芳蹤，當時有指佢係因為同山下智久戀情告吹來港散心，不過有日本媒體呢日報導，原來早喺香港行之前，影到石原里美同一名男子去到沖繩旅行，仲有同框照曝光，令粉絲相當震驚。

石原里美同山下智久，因為拍攝劇集《朝5晚9》而傳出緋聞，先後多次被傳媒影到密會，更曾傳出結婚消息，雖然當事人未曾承認戀情，但雙方粉絲都覺得佢哋相當登對樂見其成。點知日本媒體呢日登出，石原里美同日本IT公司SHOWROOM社長前田裕二前往沖繩旅行，2人在4月22日到達沖繩石垣島，第二天在竹富島的高級度假酒店連住兩晚。而石原所屬事務所罕有回應指：「私事交由藝人本人處理」，有網友就話呢個答法同默認幾乎可以劃上等號，宅男們表示心碎了。