【棟仁的時光】TVB唔夠實力派甘草 揾67歲煒烈救亡:做到未停過

撰文:
最後更新日期:

人人北上掘金,令到大台小生花旦買少見少,但原來不單止主角出現斷層,就連甘草演員、爸爸級的演員都不夠用,好像《棟仁的時光》入面的輝哥(煒烈飾)就表示自己入了無綫後拍劇無停手,他說:「鼎爺知我入無綫同我講「兄弟!做死你呀!」,我初時都唔信…」結果烈哥做了120個騷,兩年拍16套劇,戲份越來越重,訪問那天,烈哥剛剛在橫店拍完《包青天再起風雲》,67歲的他現在好像當年在亞視、麗的搏殺一樣。

 

煒烈最令人記得的角色應該是御命十三,2016年回歸無綫拍《城寨英雄》當時以特約身份拍攝。

煒烈最令人記得的應該是亞視《我和殭屍有個約會》飾演御命十三,熄影多年,兩年前出現在《城寨英雄》飾演陳師傅做過一場戲,但該集roller竟然名字都沒有,令不少網友替他不值,原來關於無綫制度問題,他說:「當時因為我係特約演員,特約演員係無名嘅,所以roller咪見唔到我囉。」

 

《棟仁的時光》中煒烈飾演輝哥和唐詩詠有不少對手戲。

後生仔未必知,年輕時的烈哥是麗的、亞視一綫小生,一出道就和蕭芳芳拍電影《跳灰》,演藝生涯幾十年,無綫要他幫手,但竟然要他由特約做起,烈哥直言當時聽到不是味兒,他說:「當時公司揾我,話好少我呢類演員,特別呢個年紀好缺人,當時大家都傾得幾好好地,但聽到佢話要做特約先,我都真係呆咗,我唔駛撈特約呀?話哂我煒烈當年都叫一綫小生呀?不過佢哋話新制度,要做一陣特約先,會盡快幫你攪,但我問過出面有啲人等咗5、6年都仲係特約,不過最後我老婆叫我簽,叫我玩下啦,你喺屋企做乜啫?價錢又啱我咪簽囉。」

 

煒烈後生時相當大膽,揸電單車飛落河都唔驚。

【棟仁的時光】年輕輝哥原來係賽車高手 奪87年葡國杯房車賽亞軍

烈哥的特約合約一年只需要還6個騷,但原來他這個年齡層的演員,無綫現時相當缺乏,即是主角爸爸、老差骨之類的角色,烈哥演得又打得,自然搶手,他說:「原來佢哋睇下你簽咗之後,多唔多監製導演用?如果多就即刻同你簽,唔多呢,就簽一年6個騷玩完…我托賴都多人用,做到我未停過,李家鼎知我返咗去,同我講『兄弟,做死你呀!』我以為佢講笑,點知真係做死自己,舊年同今年我做咗120個騷,由有頭髮做到剪光頭(古裝要剃光頭),再流長咗,再剪返光頭。」煒烈人如其名,性格剛烈,但原來鐵漢柔情,當日為認識太太,決定減肥38磅,他說:「我喺一個朋友生日會上認識我太太,當時佢講笑咁講話我減到肥,就大家發展下,我當住百幾人面前答應咗,之後閉關三個幾月....」想知烈哥點減,記住留意下一則新聞。

【棟仁的時光】輝哥為愛妻減肥38磅 原來靠呢隻超平自製食療



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Microsoft Edge 或 Safari。為避免使用網頁時發生問題,請確保你的網頁瀏覽器已更新至最新版本。