周麗淇分享投資心得 買珠寶同樓一樣:有嚿嘢喺到點都唔會蝕到冇

撰文:
最後更新日期:

周麗淇(Niki)以性感透視裝岀席珠寶活動成為活動焦點,Niki透露平時好少性感打扮,只因今日喺一個特別場合,所以就打扮一下。活動期間Niki被問到投資心得,Niki直言:「自己本身就唔太識得投資,所以自己買珠寶可以收藏,更會保值,一舉兩得啦,至於買樓就覺得同珠寶都好似,因為有一嚿嘢喺到,點都唔會蝕,但買股票就好大風險。」

周麗淇(Niki)以性感透視裝扮岀席珠寶活動。(陳順禎攝)

工作安排得密密麻麻嘅Niki今年已經完成咗一部電視劇同一部電影,仲同「宇宙最強」甄子丹合作,呢部電影Niki形容為輕鬆搞笑動作類,叫做《肥龍過江》:「今次都係新嘗試,自己都未拍過呢一類型電影,因為電影好多場口都要素顏拍攝,搞笑輕鬆呀嘛,所以其實都好特別,我覺得幾過癮都開心。」但素顏喎﹗Niki會唔會好擔心呀,始終女星拍戲都會化到靚一靚見觀眾,Niki就話:「今次Keep得好辛苦㗎,因為要不斷做運動同埋喺食嘢方面要注重啲,最重要係保持心境開朗,咁樣就會靚啦。」

Niki啱啱完成咗一部電影,係同「宇宙最強」甄子丹合作。(陳順禎攝)

而家仲係單身嘅Niki都好耐冇透露過自己感情狀況,Niki聽到呢個問題都大方回應:「好多人都問我呢個問題,可能緣份仲未到啦,慢慢就會到,但唔係想就會有。」問到係咪太多追求者揀唔到,Niki笑說:「冇冇冇,我日日都要拍戲,嚟緊有時間都想去一個旅行放鬆下先。」

Niki至今仲係單身,期待緣快點來臨。(陳順禎攝)



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。