【康城影展2018】范冰冰七度現身紅地氈 眼利網友發現P圖痕跡

撰文:
最後更新日期:

唔知今年范冰冰準備咗幾多條靚裙去康城呢?(視覺中國)

又到一年一度影壇盛事,第71屆康城影展正式開幕,各地影星先後飛抵當地作準備,范冰冰亦都第7次踏上康城紅地氈,為有份參演嘅荷里活電影《355》宣傳,不過由抵埗到去紅地氈上,都發生一啲令冰冰頗為滴汗嘅事。

有別於平時嘅女神風或者氣勢打扮,范冰冰以休閒LOOK現身機場。(視覺中國)

+5
+4
+3

范冰冰一身休閒打扮,自己推住行李現身法國機場準備出席康城影展,戴住白色頭帶、附有長鍊嘅太陽眼鏡,白TEE牛仔褲長身西裝褸配以黑色高跟鞋,同一貫具氣勢打扮有唔同感覺。見到唔少FANS到場接機冰冰都好親民逐一簽名,點知尷尬嘅事發生啦,其中一位外國粉絲遞上靚相拎簽名,不過相中人就唔係范冰冰而係李冰冰,可以見到一直狂簽嘅范冰冰望一望然後定格,拎筆隻手慢慢移開繼續幫其他FANS簽名,睇嚟喺外國人眼中依然係︰「點指冰冰點睇都分不清」。

好多人接機呀,冰冰不停幫佢地簽名。(影片截圖)

當望到面前張相唔係自己而係李冰冰,范爺定咗格簽唔落手……(微博圖片)

離開機場去到行紅地氈,范冰冰換上一條Ali Karoui高級訂製嘅粉綠色蛋糕裙,相當搶眼。作為紅地氈常客范冰冰熟練地轉換POSE俾現場記者影相,不過眼利嘅網友就發現,冰冰自家工作室發嘅靚相,對比媒體照片來說,手臂位好似有重點修圖,雖然未發生背景P圖P到歪咗嘅問題,不過藝人PO相前要美圖應該是常識吧。

去影展要搵埋專屬攝影師影靚相,係指定動作。(視覺中國)

眼利嘅網友睇到媒體照片,發覺手臂好似粗返啲比例上正常D。(視覺中國)

同一條裙同一個活動影嘅相,對比起嚟手臂真係粗幼差好遠喎。(視覺中國)

+3
+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。