【棟仁的時光.專訪】無悔細佬拖累事業 黃長興:一世人兩兄弟

撰文:
最後更新日期:

《棟仁的時光》中黃長興飾演好爸爸「戇爸」。(劇照)

“黃長興 與 張潮岸 同樣是「潮州佬」”

TVB劇集《棟仁的時光》中,黃長興飾演人稱「潮州佬」的「張潮岸」。在劇中雖然經常被女兒稱呼為「戇爸」,後段劇情講到為了女兒的成長,而拒絕與有第3者的妻子離婚。實在是完美演繹了愛護女兒又愛家庭的好爸爸形象。本身也是潮州人的黃長興,自言飾演「潮州佬」對他來說亦頗有難道,因「張潮岸」的對白中經常出現「潮州話」,為止黃長興更經常需要致電自己的爸爸請教一二。不過,劇集《棟仁的時光》中「張潮岸」與現實中的黃長興,也同樣具備潮州人的特質,刻苦工作、愛家庭、識做生意。

黃長興爸爸都係潮州人,所以本物性格都同潮州人有幾分相似。(黃國立攝)

“入娛樂圈並不是原本打算”

提到黃長興,其實也是近年開始參演戲份較重的角色。黃長興在2005年由法國到港參加香港先生選舉,憑住其「半唐番」的外型成功簽約TVB成為藝員之一,2007年監制材叔給予他拍攝《匯通天下》的機會,從而令他放棄回法國公司的高薪厚職,選擇成為TVB藝人演員。黃長興:「材叔佢係第一套劇搵我拍嘅,因為一選完香港先生之後佢就搵我拍《匯通天下》。女朋友係郭羨妮,嘩,仲要同阿MO爭。真係好犀利㗎,又要上橫店,又要騎馬。」之後黃長興的弟弟黃長發更在2006年奪得香港先生選舉冠軍。

黃長興給人的印象十分斯文有禮。(黃國立攝)

【棟仁的時光.專訪】黃長興9年前淡離幕前 開餐廳成事業轉捩點

【棟仁的時光】范文雅同袁偉豪「蜻蜓點水」式接吻:第一次俾咗佢

【棟仁的時光】朱晨麗生於內地在港未受歧視:香港人好包容

黃長發同鞋王三奶Karen嘅新聞,當時係香港人茶餘飯後嘅話題。(視覺中國)

冇計嘅,一世人兩兄弟,我哋家庭點都會支持佢。其實我哋潮州人家庭好重視屋企。
黃長興

“無悔被細佬「拖累」事業”

黃長興本想著2兄弟「拍住上」能在娛樂圈闖一番事業,可惜好景不常。2009年黃長興弟弟黃長發和比自己大16年李姿霆(Karen)發生姊弟戀,事件被媒體揭發之後,黃長發的形象「大插水」,連帶哥哥黃長興的事業也受很大影響。黃長興:「嗰時當人哋撈亂咗我哋身份嘅時候,好多嘢就會冇咗,一啲代言合約會冇咗,劇集角色又冇咗。連公司都同我講:『暫時會靜啲』。件事發生之前,工作上係有好多安排,但係件事發生之後漸漸好多都冇咗下文。其實自己都心知,好明顯係影響到。(細佬黃長發拖累咗你呢個大佬?)唔好話拖累,只不過佢有咁嘅經驗,我都唔知點幫佢。」後來,黃長發就如大家所知道的,反回了法國發展,而身為哥哥的黃長興就繼續留在香港。黃長興:「冇計嘅,一世人兩兄弟,我哋家庭點都會支持佢。其實我哋潮州人家庭好重視屋企。」

黃長興當時仲因為細佬嘅新聞,間接令佢演藝事業受影響。(黃國立攝)

“黃長興黃長發 兄弟手足情深”

黃長興由細就與細佬感情非常好。「細細個喺法國嘅時候,當然會有人歧視。不過唔知係咪歧視定其他原因呢,細細個讀書都會俾人蝦。我哋細個都係同一間學校,佢讀幼稚園我讀小學,有啲咩事嘅時候我都會幫手。細個俾人蝦都係細路哥之間嘅事,都係喺學校爭玩具、單車或者波。咁做阿哥嘅梗係保護細佬啦,我都試過幫細佬攞返個公道攞返架單車或者波。」

【棟仁的時光】王歌慧讚前老闆黎明又Nice又惡:有俾佢訓話到喊

【棟仁的時光】林子善35歲買兩層樓 除一人打3份工仲有乜秘技?

黃長興,黃長發自細感情就相當之好。(視覺中國)

如果俾我再揀,我會叫我細佬唔好再選香港先生。
黃長興

言談之間,黃長興亦只用「嗰件事」代表「細佬」黃長發與Karen的事情,似是對事件心有餘悸。問及黃長興如果在家人與事業之間2擇其1時,他回答說:「我會叫我細佬唔好再選香港先生。因為佢太純品,唔適合呢行啦。(點純品法?)我嗰時都俾人話純品,佢仲純品過我。即係人哋講咩佢就信囉。」不過作為「大佬」的黃長興對於因為「嗰件事」而影響自己演藝事業而責怪「細佬」黃長發,反而更多了與他溝通。「嗰時就唯有多啲搵佢返屋企食飯,多啲傾計,俾支持佢。」說到黃長發的近況,黃長興:「宜家都唔使理佢(黃長發)啦,佢去咗Elite Model公司做director,又發展得幾好。之後喺當中又識咗佢嘅另一半結埋婚,生活又好好。最近好似仲話開自己嘅model公司。」

黃長興真係好好男人。(黃國立攝)

+2


X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。