【後生仔傾吓偈】馮盈盈黃色說話又嚟料 今次麥明詩都頂佢唔順
撰文：黃梓恒
出版：更新：
《後生仔傾吓偈》近日真係話題多多，而且都係圍繞住「水」呢個話題，主角人物依然是馮盈盈。事緣在上星期，盈盈又在節目中講黃味說話，她說：「第一次同初戀男朋友，嗰陣仲未係男朋友嘅，然後出去睇戲，嗰年19歲，好緊張。嗰晚我哋係一齊咗，然後就拖手喇，之後我成晚都好緊張，表面好似好平靜，但其實緊張到隻手啲汗已經滴緊落地下。點知要拖手喎，真係想死，嗰陣已經係抹乾晒都繼續濕嘅程度，搞唔掂。濕晒，個地下都濕埋，點知佢拖完就話好濕，我話係呀，我掂到男仔手就會緊張。但係嗰刻佢好浪漫，話唔緊要無問題我鍾意。」雖然佢明明係講其他嘢，不過真係好容易令人想入非非。
馮盈盈又爆黃色笑話。（電視畫面）
在昨日第102集，佢又嚟料，話說有位KOL話自己敏感到滴汗，佢就跟住講：「我都有個位成日敏感到會滴水，我講真㗎！」佢講完呢句即刻全場爆笑，相信大家都會明白笑緊乜，陸浩見情況不妙，立即叫佢澄清吓，麥明詩又忍唔住抽佢水：「佢對住心儀男仔嘅時候就會有呢個情況出現。」咁馮盈盈究竟會點解釋呢？她說：「我大脾內側有個濕疹位，佢如果好敏感會滲水，連牛仔褲都會濕水㗎。」坐佢隔離嘅麥明詩已經抱晒頭，露出個無奈樣，馮盈盈，你係得嘅！
麥明詩都頂佢唔順。（電視畫面）
+8