【早霸王】當怕羞仔遇上女神:佢話表白一定要經《早霸王》

撰文:
最後更新日期:

暗戀男女各自打去《早霸王》表白,連森美都話係整定。(網上圖片)

Happy Friday!又到《早霸王》的「你知道唔知道有人掛住你」環節,今日打去電台嘅係一名叫敏敏的女仔,她表示自己有玩開直播,由於只係無聊唱歌,所以唔係有太多觀眾,但就一直有位忠實支持者--小新,小新除了會拉埋朋友撐敏敏場之外,早前亦有陪敏敏到澳門睇演唱會,不過由於敏敏係歌迷會會長,所以在澳門期間好忙,搞到有少少冷落小新。「但佢之後都有送花去到公司,張卡署名係天字一號fans」咁到底呢種愛係屬於偶像與粉絲的愛,定男女之間的愛呢?森美同小儀都捉摸唔到

而呢pair男女又咁啱都好喜歡達哥。(網上圖片)

不過敏敏就認為係後者,而佢原來曾提議過小新打去《早霸王》表白,但由於對方非常怕羞,甚至「出街都係唔出聲」,所以敏敏就勇敢踏出第一步!而另一邊廂,有名叫小新的男仔打去《早霸王》諗住表白!真係咁啱?!

未有聽到節目直播的小新,同森美表示自己準備向女神告白,問到到底女神有幾吸引,小新就話:「個個都話佢靚、最靚係佢,其他女人喺我眼中已經係唔得,佢同我一樣鍾意達哥,同埋佢好簡單,好易就開心。」小新提及同女神喺澳門坐的士時,女神問佢隻窗要點閂,令佢覺得女神好簡單……森美聽完之後都忍唔住爆笑問佢係蠢定係簡單。

而男仔原來已經喺女仔公司樓下stand by,《早霸王》其實都撮合過幾多對情侶。(網上圖片)

小新之後話自己原來已經喺女神公司樓下,如果表白成功的話就請對方落樓收禮物。「佢話表白一定要經過《早霸王》所以我咪打上嚟,如果say no都無得算,咪食個飯再返工囉。」兩邊電話上馬接通,小新聽到敏敏把聲之後,都以為係大整蠱,但好快就醒起要表白:「我知你之前嘅感情,都係做付出嗰位,感受唔到別人愛你,希望你下一段係被愛,我會做得好好,如果你接受我就落嚟,我喺樓下等你。」禮成!



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。