【刑偵II】方健儀笑大宇讀錯啫時 監製潘嘉德:咁講對演員係傷害

撰文:
最後更新日期:

無綫深宵時段重播的《刑事偵緝檔案II》,最緊張的不是調查兇案,而是大勇和Jessie、Carmen的三角關係,而近日劇集亦進入白熱化,講到Carmen的真面目終於曝光,情節如此緊張,不但普羅大眾晚晚追劇,連前無綫新聞主播方健儀,都話一連追了兩集,不過她覺得最奇怪是陶大宇每次叫女友名「Jessie」,都會變成「啫時」,相信這亦是不少觀眾的疑問,看來無綫可以製作睇劇學英文,應該大有市場。

大宇在《刑偵II》每次叫女友Jessie,也會讀成「啫時」、「遮匙」。(網上截圖)

方健儀在Facebook留言,話奇怪大宇每次都讀成「啫時」。(網上圖片)

近日不少觀眾當新劇追看的《刑事偵緝檔案II》,劇情終於去到高潮位,講到大勇雖然同Carmen一齊,但就仲掛住Jessie,之後Carmen的真面目更加必定要留意。最讓人意想不到是前無綫新聞主播方健儀,也是該劇粉絲,而她在Facebook留言表示一口氣睇了兩集,煲劇煲到凌晨3點,不過她對該劇有好大疑問,但就不是案情有否犯駁,而是陶大宇每次叫女友名字「Jessie」,都會變成「啫時」,方健儀還說「Jessie係咪真係咁難讀呢?」

郭藹明飾演的Carmen開始變得邪惡,成為全劇高潮。(網上截圖)

相關文章:

【刑事偵緝檔案】黃悅變娛圈失蹤人口 外貌大變呢20年生活點過?

【刑事偵緝檔案】每個單元都有美女 鄒靜清純吳詠紅最好戲

《刑偵II》監製潘嘉德接受《香港01》訪問,提到大宇的英文口音,德哥表示「咁講其實係對演員嘅一種傷害,佢又唔係番書仔,香港人講英文係咁啦,覺得大宇好貼地,唔通你哋講話搭巴士、的士,會讀Bus、Taxi。(方健儀Facebook講呢件事)佢(方健儀)梗係有專業研究啦,如果大宇發音咁專業,佢去做咗主播啦。(當時有冇發現大宇發音問題?)我哋當時已經知道,但勉強去糾正佢,反而演出唔自然,我寧願揀最自然嘅演出。」其實《刑偵II》大受歡迎,就算大宇的英文發音,也是港人的集體回憶。

《刑偵II》監製潘嘉德表示大宇又不是番書仔,佢講嘅英文其實好貼地。(資料圖片)

+2

其實好多網民都有上述疑問,仲話「以為大勇搵車匙」、「佢係讀遮時」,也有心水清的網民發現其實大勇在第一輯是叫女友「阿婕」。之後方健儀還跟網民一起討論劇情,又話「Carmen呢兩晚演技令人眼前一亮」,想不到方健儀報新聞時似足女強人,但回到家又會變成師奶仔,睇重播《刑偵II》都咁投入。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。