【開心速遞】大小姐同送水輝開聯名戶口儲錢買樓:我有咗你嘅骨肉

撰文:張嘉敏
出版:更新:
大小姐同送水輝今集好sweet。

無綫處境劇《愛‧回家之開心速遞》入面最受觀眾同網民喜愛的CP角色,當然就是大小姐 (林淑敏飾) 同送水輝 (許家傑飾) 啦,他們兩個的感情線亦是大家最期待又最好笑嘅。早前那集講到大小姐終於在送水輝的情意綿綿中夢醒,清楚明白到她不過是送水輝提供的初戀服務的其中一個客人,對送水輝即時變得好冷淡,此時送水輝卻對大小姐暗生情愫。

今集佢哋繼續玩初戀無限feel。

正當大家擔心編劇會否拆散他們兩個,昨晚播出那集就令大家放心晒喇。因為大小姐好似無事發生過咁,繼續幫襯送水輝的初戀套餐,化身龍小蓮同輝Dee大放閃光蛋同笑蛋。咁亦都證明了大小姐真係好愛送水輝,唔理對方是真情抑或假意,總之可以同對方一齊就已經好開心。

佢哋條感情線真係好好笑。

今集講輝Dee為冧龍小蓮,特登開了兩人的聯名戶口話要儲錢買樓。兩人去街市買菜一幕也超爆笑,大小姐果然是千金小姐,連椰菜同生菜、蔥同韮菜都唔識分。她為了要幫送水輝仔仔Philip仔扮媽咪出席學校義賣會,竟然更扮大肚話自己有了輝Dee的骨肉,話畀對方知自己可以做一個稱職的媽咪,嚇到輝Dee即刻話:「我哋初戀嚟咋喎,你跳得咁快嘅?」好搞笑。大小姐愛送水輝完全係愛屋及烏,當正Philip仔係自己個仔一樣,又代Philip仔出頭對付欺負他的同學,義賣貴價酒店曲奇那幕仲非常霸氣。

龍小蓮話自己有咗輝Dee嘅BB。
呢幕好似一家三口咁樣。
+16