【古巨基】盤點紅館歷來十大意外事件 墮台事故次數最頻繁

撰文:
最後更新日期:

古巨基昨日在紅館舉行《古巨基WE我們世界巡迴演唱會香港站特別版》第二場表演,但卻不幸發生意外,古巨基唱完兩首歌後,突然向後跌了下台。現場立即嘩聲四起。不過他很快便再出現於觀眾面前,並說:「我想繼續落去,係我自己唔小心,係我唔記得咗時光機個位,冇問題,多謝你哋願意喺度等返我上嚟,我好想繼續落去、我盡力繼續落去,唔好嚇親大家,冇事嘅,行到。」今日亦都決定之後的場次會繼續如常,好彩無事!

好彩基仔無事。(資料圖片)

其實紅館發生意外已經不意外,連基仔都已經是第二次出事!不過第一次並不是舞台的問題,在2009年古巨基在紅館演唱會時因為其聲控衣冒煙令其險被自焚,當時全場都唔知係咩事,以為係節目效果,直到基仔大嗌:「出煙呀,真係出煙呀。」先有工作人員出來幫手救火,場面雖然有啲搞笑,但其實都幾危險。

上年其實在紅館都有發生事故,在6月10日,林敏驄在紅館為演唱會綵排期間,因為油壓台墮下,令到多人受傷,傷者包括3男6女舞蹈員,9人由台上墮下,草蜢成員蔡一智撞到臀部,幸好未算太嚴重。之後演唱會會如期舉行,不過草蜢就少了一個人。

就係呢個台。(網上圖片)

在2003年,林子祥在紅館為汪明荃個唱擔任表演嘉賓時,因為舞台中間的圓形升降台出現問題令其提早降落,搞到台上突然多咗個洞,阿Lam在不為意的情況下跌進8呎高的台底受傷,而且一度昏迷送院,情況相當嚴重。他曾經在報導中說過這是他最難忘的一次經歷,到今時今日都不敢回想,而且令到其中一邊的耳朵出了問題,聽力受損。

個台有成8米高。(視覺中國)

郭富城都曾經在紅館出事。在2012年的第17場的「舞臨盛宴演唱會」,是一個出名多機關嘅舞台。當時城城企緊嘅升降台的鋼絲突然之間斷裂,急墜了3米,城城跌到四腳朝天。不過佢好快就企返起身繼續跳舞,真係十分有舞台王者的風範。其實之後2013年城城都曾經喺演唱會綵排時因為吊臂台突然倒塌而發生意外,不過當時並無受傷。

城城喺舞台上好多搞作。(資料圖片)

當年台灣人氣組合飛輪海,在2009年來紅館開演唱會,其中吳尊用單手吊「威吔」入場的時候,因為衝力太大而中途跌在舞台上。之後全程演唱會都一拐一拐,事後發現原來係骨裂。同場的汪東城都唔好得幾多,當他在台邊諗住跨過欄杆時,用力過大而令到欄杆變形,搞到爭啲跌落台,場面十分驚險。

當年佢哋喺香港都好紅。(網上圖片)

而在紅館因為意外令到有人身亡應該就只有一單,1993年劉德華演唱會中,為了增加現場氣氛,所以大會在會場上空放落咗好多氣球。當時十分多觀眾衝去搶返一兩個做紀念品,有一名男歌迷也跟著人群衝去,但他卻失足跌落樓梯,而且之後搶救無效,不幸逝世。

最後兩件,08年葛民輝在林海峰演唱會做嘉賓時,因為心臟不適暈倒,要即刻叫白車送院,好彩之後無事。近期啲15年,容祖兒李克勤演唱會上,又係因為升降台無喇喇下降,搞到克勤爭啲又跌咗落去。



X
X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。