【開心速遞】74歲劉丹著潮人YEEZY波鞋：阿囝俾我，對鞋係幾舒服
撰文：林迅景
出版：更新：
丹爺一講起囝囝就好開心。（黃梓恒攝）
《愛‧回家之開心速遞》入面，除咗最近人氣爆燈嘅大小姐同送水輝之外，當然仲有「熊氏一家」的各位演員角色。其中又以熊樹根（劉丹）作為家庭的靈魂人物。其實劉丹（丹爺）自無線長壽劇集《真情》就陪住香港人7，80年代人成長，丹爺的慈父形象更加是深入民心。不講不知道，原來丹爺骨子裡也是一個潮人，今日丹爺更穿了一對YEEZY出席《愛‧回家之開心速遞》的活動。
丹爺著緊呢對Yeezy Boost 350 Infant "pirate Black"，炒價差唔多$3000。（林迅景攝）
看真點，其實丹爺腳上的就是潮人必買的「adidas YEEZY by Kanye West」系列中的「Yeezy Boost 350 Infant "pirate Black"」，據資料顯示，網上炒價都差不多3千元港幣，真係估唔到丹爺咁有品味喎。其實Yeezy波鞋，由推出至今真的是「通街都係」，人人都想擁有一對。劉丹（丹爺）接受《香港01》訪問時說：「阿囝（劉愷威）送俾我㗎，哈哈哈。（生日禮物？）佢有時送嘢俾我唔使講咩日子㗎，佢有時好識做㗎，佢又唔講話特登買嚟送俾你。佢會咁講：『老豆，對鞋我唔啱著吖，你啱唔啱著吖？』新簇簇，邊會唔啱著吖呢？哈哈。（仲有咩係阿囝俾你？）揸緊架車啦，仲有好多嘢㗎。佢又成日話啲嘢唔啱著，說俾我啦。咁我唯有當佢真係唔啱著囉，哈哈哈。（佢有冇講你知對鞋幾錢？）佢唔講㗎。」梗係啦，阿囝送㗎喎。丹爺仲甜絲絲咁講：「不過對鞋係幾舒服就真嘅。」
丹爺著緊呢對唔係最貴最潮嗰對，不過低調黑仲襯丹爺啦。（林迅景攝）
【開心速遞】劉丹處境劇之王 最深刻《真情》加長版砌低亞視楊冪劉愷威傳拍《檢察官》搵埋老爺加盟？ 劉丹回應北上傳聞【開心速遞】劉丹迫屋企人講英文要罰錢 次次一千幾百好過去搶劉丹變御用喪妻男 網友強烈要求無綫還丹爺一個「老婆」
+1