【刑偵II】張大勇兩次示範陶大宇掩面emoji　比《心花放》早10年

講起陶大宇做戲，必然九秒九諗起他的單手掩面動作，因為激似emoji公仔，去到而家，網民已經將兩者劃上等號。去年他接受傳媒訪問時親自解畫，直言這是他2005年參演《心花放》時，刻意為林一江一角自創的小動作，認為任何時候都適用，「開心嗰陣用又得，唔開心嗰陣用又得。」不過他當時對記者坦言，回到真實生活裏很少用。

現時只要在Google搜尋「心花放」＋「掩面」，就會見到網民為陶大宇製作的「掩面圖鑑」，原來當年他掩面再發出「呀～」一聲的動作，於劇中出現密度極高，難怪遭網民嫌棄，認為此舉又煩又浮誇。不過近日有眼利的網民留意到，較《心花放》早10年播出的《刑事偵緝檔案II》，陶大宇飾演張大勇時經已做出掩面動作。

兩個例子分別出現在第28集及周一晚（5月14日）播出的第32集，前者講述張大勇因為放不低和Jessie（郭可盈飾）的感情，又因為和Carmen（郭藹明飾）訂婚，不知如何是好，遂借酒消愁，後來更駕車到Jessie 家外通宵留守，期間在車上掩面。後者是因為容金枝（蘇玉華飾）遭車撞死，張大勇和Jessie在醫院門外傾談時，一度掩面，表達哀傷心情，但有「Mean底」網民笑言：「陶大宇應該喺隻手上面搽白花油啦，咁咪有得流眼淚囉！」又係喎！