【奔跑吧】王祖藍地獄特訓扒龍舟 賽完喊到失控：年紀大愈眼淺
撰文：鄺鈺瑩
出版：更新：
眾人為了扒龍舟而進行特訓，祖藍雖然話自己唔做運動，但佢就跑贏了中國女排隊長惠若琪。（影片截圖）
最新一集《奔跑吧》安排了一眾成員與清華大學、哈佛大學、西安交通大學等學生鬥快扒龍舟，上半部分講述王祖藍成了魔鬼教練糾正對象，唔係話佢鬧姿勢唔啱，就話佢落槳唔拖唔水，教練一句「祖藍你再這樣下去，肯定划不過Baby。」都真係幾hurt，最後祖藍被安排做鼓手，不過都係繼續被教練啄住。
其實鼓手呢個位都唔易做，節奏方面要捉得好好。（影片截圖）
到正式比賽時，雖然奔跑隊處於劣勢，但眾人都未有灰心，並完成比賽，而向來都係開心果的祖藍在衝線後，突然喊到收唔到掣，李晨等人見狀即時大讚佢做得非常之好。祖藍接受電話訪問時，提到落淚一事，他表示：「因為從來未感受過運動的團隊精神，因為由細到大都唔運動，原來一班人咁辛苦完成一件事、又有咁多人為我們打氣係好感動，你都知我平時都好少喊，咁當然同年紀大愈來愈眼淺都有關啦。」
雖然包尾，但衝線後祖藍都喊到收唔聲。（影片截圖）
佢話除了是因為感動之外，亦因為年紀大。（影片截圖）