【不愛我就拉倒】網民高呼要方文山填詞　周杰倫親自解釋佢去咗邊

《不愛我就拉倒》喺呢一、兩日真係熱爆，梗係啦！周杰倫出新歌喎，無論台灣、香港定係大陸，都一定在網上瘋傳！不過今次呢隻《不愛我就拉倒》討論聲音相當之大，因為大家都好似對歌詞唔太滿意，搞到周杰倫自己都要在其網絡平台發言反擊網民，佢就咁講：「聽歌不用太認真 爽就好 有教育意義的教科書的我都寫過了 為何不能來首輕鬆的歌呢 難道你們都沒胸肌嗎　孩子們 我的歌名已經說了 #不愛我就拉倒」！

【不愛我就拉倒】周杰倫遭網民狂踩歌詞 IG反擊：聽歌不用太認真

【不愛我就拉倒】MV男角浩克係周杰倫好友 曾赴美國參加健美比賽

【不愛我就拉倒】MV女主角陳郁安大起底 周杰倫真係好識揀女

雖然周董有還擊，但網民們都依然繼續攻擊這首歌的歌詞，仲不停話要搵返周董御用的方文山出嚟，希望周董以後嘅歌都由返佢嚟填詞，但係究竟方文山去咗邊呢？今日周董就出嚟解話，在自己的微博上發post，「這一切都是@蜻蜓FM 的鍋！方文山老師其實正忙著在蜻蜓FM講音樂詩詞課，還沒來得及看一眼#不愛我就拉倒#的歌詞......各位，不要再#等你下課#了，來蜻蜓FM等方文山老師上課吧！」原來因為方文山搞緊自己嘢，唔怪得唔得閒填詞喇！