馬國明愈變愈型仔 全靠女友黃心穎：好多牌子都係佢先識
撰文：賴家杰
出版：更新：
馬國明出席美容品牌活動。（陳順禎攝）
馬國明今日（16日）出席美容品牌活動，馬明身為代言人又有錢又可以護膚，馬明當然開心：「自己都唔係一個姿整嘅人，但現金社會唔可以咁，出社會工作會認識好多人，所以唔可以唔理自己個外表，男仔唔靚仔唔緊要，但行出嚟感覺一定要感覺係健康。」
馬明一直著衫都追求舒適為主，但最近就轉咗Style，變型仔當然全靠女友黃心穎啦，馬明話：「心穎佢對著衫幾有要求，有時佢自己去購物覺得幾適合我去Event佢就會買兩件俾我，我好多牌子都唔識，我都係因為佢先識好多。」馬明更話女友唔會只係買貴野，叫大家唔好誤會佢。
馬明表示衣著品味轉換了，全靠有黃心穎幫手。（陳順禎攝）
馬明覺得喺香港地最實際同保值一定係買樓比較穩陣，馬明話：「好好彩早兩年上到車，宜家一個物業，（供完？）未啦，壓力都唔係好大，要再儲蓄，都希望再置業。」
馬明希望接下來能夠再置業。（陳順禎攝）