袁偉豪丁父憂含淚留言:你是我心目中最堅強的爸爸

撰文:
最後更新日期:

袁偉豪上載小時候一家三口合照。(袁偉豪IG)

日前剛度過37歲生日嘅袁偉豪,上星期出席活動時顯得憂心忡忡,原來佢為爸爸患癌一事疲於奔命,希望陪住爸爸走過人生最後一段路。呢日佢喺IG上載多張同爸爸嘅照片,宣布袁爸爸終不敵癌魔於5月16日離世,袁偉豪留言道:「樹欲靜而風不止,子欲養而親不在,爸爸永遠懷念您」。

袁偉豪喺IG宣告,袁爸爸喺5月16號不敵癌魔病逝。(袁偉豪IG)

人稱泰哥嘅袁爸爸,年輕時係一名警察。(袁偉豪IG)

人稱泰哥嘅袁爸爸於7年前確診鼻咽癌,近年更擴散至肝部,從幾張舊照中睇到袁爸爸近年受癌症折磨消瘦不少,喺袁偉豪心目中係「一位為人民服務的好警察,心目中最堅強的爸爸」。近兩年袁偉豪事業起飛JOB接JOB,有傳去年因為工作見唔到嫲嫲最後一面,令佢相當遺憾,故一有時間就會同女友張寶兒,陪伴爸爸左右。

年輕時嘅袁爸爸,同袁偉豪有父子相。(袁偉豪IG)

袁偉豪於IG寫上:「樹欲靜而風不止,子欲養而親不在,爸爸永遠懷念您。一位為人民服務的好警察,你是我心目中最堅強的爸爸,辛苦你了﹗不再痛苦,好好休息,放心,媽媽交給我吧。」一字一句盡顯悲痛之情。佢嘅圈中好友胡定欣、岑麗香等都有留言悼念,並叫袁偉豪要振作。

近照中見到袁爸爸消瘦不少顯得憔悴。(袁偉豪IG)



X
請使用下列任何一種瀏覽器瀏覽以達至最佳的用戶體驗:Google Chrome、Mozilla Firefox、Internet Explorer、Microsoft Edge 或Safari。為避免使用網頁時發生問題,請確保你的網頁瀏覽器已更新至最新版本。